Connect with us

Hi, what are you looking for?

Abagore

Huye: Abagore bayobotse Ikoranabuhanga rya CHOMOKA ribafasha mu kwizigamira

CHOMOKA ni apurikasiyo ikoreshwa mu kwizigamira, kugurizanya no gukosora abizigamye mu matsinda yo kwiziga no kugurizanya mu ntara y’Amajyepfo. Ibi byafashije abagore kwiteza imbere binyuze mu mahugurwa bahawe n’umushinga AEE-Rwanda ku bufatanye na Care international.

Biteganijwe ko iyi apurikayo izajyera ku matsinda 660 mu ntara y’Amajyepfo binyuze mu kubanza gutanga telefoni zijyezweho “Smartphones”. Iyi apurikasiyo imaze kugera ku matsinda 136 mu ntara harimo 21 mu 115 yo mu murenge wa Huye.

Bamwe mu bagore bo mu murenge wa Huye bishimira ikigero bagezeho begerezwa ikoranabuhanga, kandi ryatangiye kubahindurira imibereho, uhereye kuri CHOMOKA.

Ibi aba bagore bashyigikiwe n’abagabo babo babitangarije Panorama ku wa 08 Werurwe 2023 ubwo muri uyu murenge hizirizwaga umunsi mpuzamahaga w’umugore.

Mukandagano Annonciata wahuguwe na we akaba ahugura abandi mu gukoreshwa Apurikasiyo ya CHOMOKA avuga ko iri kiranabuhanga ryababyaye. Asaba abatararyitabira kuriyoboka, kuko gukererwa ari igihombo.

Agira ati “Nabaye mu matsinda yo kwizigamira no kugurizanya kuva mu 2010, ariko twagiraga n’ibihombo byinshi bya hato na hato utibagiwe kwamburwa n’abanyamuryango cyangwa kubeshywa. Ubu byarakemutse dutaha tuzi ayinjiye yose kandi tudakoze imibare ngo umutwe ushye. Turashima Leta yacu n’umufatanyabikorwa.”

Yamfashije Cecile na we mu utsinda arimo ukoresha ikorabuhanga avuga ko ntako bisa kuba iyi apurikasiyo yaraje bibafasha cyane gucunga ubwizigame bwabo, no kwizera neza ko ibyo bazagabana bizaba aribyo koko bungutse banizigamye.

Umuyobozi w’Akarere ka Huye, Sebutege Ange, ashima abaturage uruhare rwabo mu gukomeza kwiteza imbere, abasaba gukomeza kwimakaza ikoranabuhanga.

Senateri Nkurunziza Innocent asaba abaturage bo mu karere ka Huye by’umwirahiko abubatse ingo, gukomeza gukorera hamwe bagasangira byose hagamijwe iterambere.

Agira ati “Kuri ubu Abagore nibo benshi, dushyire hamwe ayo maboko tuyabyaze umusaruro, twibanda ku guteza imbere ikoranabuhanga mu bikorwa byose dukora, tugamije kwiteza imbere hamwe no gusangira byose bizashoboka.”

Uyu munsi mpuzamahaga wizihijwe ku nsanganyamatsiko igira iti “Ntawe uhejwe: Guhanga udushya n’ikoranabuhanga biteza imbere unuringanire.”

Iyi apurikasiyo yitwa CHOMOKA yakozwe n’abanyakenya igurwa na AEE Rwanda ku bufatanye na Care international.

Rukundo Eroge

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.