Connect with us

Hi, what are you looking for?

Amakuru

IBUKA yasabye ko imanza zasizwe zifitanye isano na Jenoside yakorewe Abatutsi zakwihutishwa

Mu kwibuka ku nshuro ya 28 abazize Jenoside yakorewe Abatutsi mu karere ka Kamonyi, umuryango uharanira inyungu z’abarokotse Jenoside wasabye ko imanza zasizwe na Gacaca n’izindi zose zifitanye isano na Jenoside yakorewe abatutsi zakwihutishwa kandi zikajya zicibwa mu mucyo.

Kuri iki cyumweru, abatuye Akarere ka Kamonyi, abahavuka n’inshuti zabo bakaba bunamiye abatutsi bishwe muri Jenoside, banafata mu mugongo imiryango ibiri yashyinguye imibiri y’abantu babo bishwe muri jenoside iherutse kuboneka.

Abashoboye kurokoka ubwicanyi dengakamere bwabereye aha ku kamonyi mu gihe cya Jenoseide yakorewe abatutsi, bagarutse ku nzira y’umusaraba banyuzemo, ababigize uruhare muri ubwo bwicanyi n’ababafishije kurokoka barimo n’ingabo za FPR Inkotanyi zitanze kugera mu karere ka Kamonyi.

Perezida wa Ibuka, Egide Nkuraga, avuga ko n’ubwo hakozwe byinshi mu guha ubutabera abarokotse Jenoside harimo no kuriha imitungo yasahuwe mu gihe cya Jenoside ahanini binyuza mu nkiko Gacaca, hari imanza nke zitararangizwa kandi hari n’ibindi bibazo by’imitungo y’abarokotse Jenoside bimaze igihe mu nkiko rimwe na rimwe bikadindizwa n’imikorere itari myiza ya bamwe mubakoze b’inkiko.

Guverineri w’Intara y’Amajyepfo, Alice Kayitesi, avuga ko muri rusange kurangiza imanza z’imitungo yangijwe muri Jenoside muri iyi ntara bizarangirana na Nyakanga uyu mwaka.

Perezida w’Urukiko rw’Ikirenga, Dr. Faustin Ntezilyayo, yavuze ko agiye kuvugana n’inzego bireba ibibazo byose bishobora kubangamira inzira y’ubutabera u Rwanda rwiyemeje ku banyarwanda n’abarokotse jenoside by’umwihariko, bigashakirwa ibisubizo.

Ubuyobozi bw’Intara y’Amajyepfo buvuga ko Uturere 5 ku 8 tuyigize twamaze kurangiza burundu imanza z’imitungo yangijwe muri Jenoside.

Kuri ubu ngo hasigaye imanza 417 zitararangizwa, muri Kamonyi by’umwihariko ku manza 52,376 z’imitungo yangijwe muri Jenoside hasigaye 3 gusa zitararangizwa.

Inkuru dukesha RBA

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.