Connect with us

Hi, what are you looking for?

Amakuru

Iburasirazuba:  Urubyiruko rusaba gusobanurirwa byimbitse Umuryango Pan-African Movement

Hari bamwe mu rubyiruko rwifuza gusobanurirwa byimbitse Umuryango Pan-African Movement, bityo hakaba hakorwa ibishoboka ukamenyekanishwa kugera ku rwego rw’umudugudu kuko hari benshi bakomeje kuvuga ko bawumvise vuba mu matwi yabo.

Uyu muryango ubusanzwe uharanira ubumwe bw’Abanyafurika, iterambere n’ubwigenge bwabo Pan-African Movement, ni Umuryango buri munyafurika ndetse n’umunyarwanda wese muri rusange yagakwiye kuba azi neza kuko ukubiyemo ubuzima bwa buri munsi.

Aha niho bahera basaba ko ibikorwa byo kuwumenyekanisha byamanuka bikagezwa no ku rwego rw’umudugudu mu nteko z’abaturage, kuko aribwo buri munyarwanda ndetse n’umunyafurika yabasha kuwumenya no kuwusobanukirwa.

Habarurema Hussen yagize ati Mu by’ukuri uko byumva kugira iryo jambo by’umwihariko nk’urubyiruko turyumve, kandi turimenye, hagakwiye kubaho ubukangurambaga, inzego zihagarariye urubyiruko mu mirenge mu tugari ndetse no mu midugudu; mu by’ukuri bakigisha iyo Pan-African.”

Uwera Marie Ange yagize ati Habaho ubukangurambaga bagahuza urubyiruko noneho bakadusobanurira.”

Gatabazi Devis, Komiseri w’urubyiruko muri Pan-African Movement ku rwego rw’igihugu, avuga ko nabo babizi ko hari urubyiruko rutarasobanukirwa icyo umuryango Pan-African Movement uvuze, bityo bakaba baratangiye ubukangurambaga bwo kumenyekanisha uwo muryango mu gihugu hose.

Akomeza avuga ko icyo twebwe dushaka gukora kugira ngo urubyiruko mu Rwanda hose bamenye Pan-African Movement, twaranabitangiye dufite gahunda yo kuzenguruka mu ntara zose tukagenda tureba urubyiruko.

Nubwo urubyiruko arirwo rushira amanga rukavuga ko rudasobanukiwe umuryango Pan-African Movement, iki kibazo n’abakuze baragifite nubwo kubivuga bibagora.

Gusa umuyobozi mukuru w’umuryango ku rwego rw’igihugu, Hon. Musoni Protais, avuga ko gahunda zo kuwumenyekanisha mu baturage ziri mu by’ibanze batekerezaho.

Yagize ati “Ubu turashaka kubaka umuryango ukamanuka ukagera ku mudugudu harimo urubyiruko, harimo abikorera, harimo amadini n’abagore ndetse  n’abandi bose, ubundi ni ukuvuga ngo Abanyafurika twese nicyo bivuze Pan-African, Abanyafurika twese duhagurukire umugozi umwe kugira ngo twikemurire ibibazo”.

Tariki 25 Gicurasi, ni umunsi ngaruka mwaka w’ubwigenge bw’Afurika. Uyu munsi washyizweho n’abayobozi ba Afurika igihe bahuriraga Addis Ababa muri Ethiopia, ku gitekerezo cy’uko Abanyafurika bagira umunsi bazajya bahuriraho bakibuka uko bigobotoye ingohi y’ubukoroni, bityo bikabaha imbaraga zo kwigobotora ibibazo bibabangamiye.

Ku wa 25 Gicurasi buri mwaka ni umunsi wahariwe Kwizihiza ukwibohora kw’Afurika. Bikorwa binyuze mu bikorwa bitandukanye harimo icyumweru cya Pan-African Movement.

Munezero Jeanne d’Arc

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.