Connect with us

Hi, what are you looking for?

Amakuru

Karongi/Rugabano: Buri munyeshuri yemerewe amagi 6 mu gihembwe

Abanyeshuri biga mu ishuri ryisumbuye rya Rugabano bavuga ko gufata igi nyuma yirindi funguro byatumye barushaho gutsinda ndetse bikaba byaratumye abataga ishuri rigabanuka. Bashima ubufatanye bw’ababyeyi babo ndetse n’ ubuyobozi bw’ishuri.

Nzayisenga Frodouard ni umunyeshuri twaganiriye wiga mu mwaka wa gatandatu. Twamusanze mu nzu y’uburiro amaze gufata amafunguro, atubwira akamaro byamaze nyuma y’uko iyo gahunda itangiye yagize.

Ati “nibyo si amakabyankuru nawe wabyiboneye iyi gahunda batangiye kuyiduha mu gihembwe cya mbere sinakwiridwa ndondora akamaro k’igi ntawutakazi. Kuba turifata gatandatu mu gihembwe, hari icyo byongera mu mubiri. Ikindi byatumye dutsinda, kuko ntiwaba uziko uri burye igi ngo usibe. Iyo utasibye rero ntiwatsindwa. Badukangurira no kubikomereza mu rugo, tukorora inkoko natwe tujya tuyiha.”

Tuyizere Dianne na we wiga mu wa gatandatu yabwiye Panorama ko iyi nkuru yabaye kimomo mu Rugabano itakiri ibanga, ahubwo icyo ashaka kunyibwirira ari uko barya amafunguro arimo Beterave bihingira.

Agira ati “mu mafunguro dufata icyo utamenye haba harimo Beterave, kuko hariya hepfo dufite imirima twihingiramo imboga z’ubwoko bwose harimo na Beterave. Ndashima ubuyobozi bw’ishuri n’ababyeyi badutekerereza, bagafatanya ntibitane bamwana, bityo bigatuma twitwara neza no mu bizami bya Leta.”

Ubuyobozi bw’ishuri buganira na Panorama bwagaragaje ko ari igikorwa baganiriye n’ababyeyi ndetse babyemeranyaho ku buryo mu gihembwe barya nibura igi buri mwana ndetse bakabaha n’umuneke.

Muganga Erneste, umwe mu barezi yagize ati “Murakoze mbere na mbere ndagira ngo nshimire ubuyobozi bw’ishuri ku bufatanye n’ababyeyi hari ibikorwa byiza twagezeho. Icya mbere na mbere, umwana yiga atuje, kuko aba aziko ifunguro riribuboneke, kandi rikaza ryiyongereyeho igi n’izindi ntungamubiri. Umwana ariga akumva ndetse no gusiba byaragabanutse. Ibyo rero bihita byongera imitsindire.”

Umuyobozi w’iri shuri Ndihokubwimana Frodouard na we avuga usibye iyi gahunda bagezeho ku bufatanye n’ababyeyi batangiye no kugaburira abana andi mafunguro arimo n’isombe, kandi ari ikimenyetso ko gahunda yo kugaburira abana ku ishuri (School feeding) ishoboka abantu bafatanyije.

Agira ati “twagize icyo gitekerezo nk’ishuri, twegera ababyeyi tubumvisha ibyiza byabyo, na bo baradushyikira. Ikindi twabigezeho nta mafaranga y’ishuri twongereye. Ubwo bufatanye bugaragaza ko byabyaye inyungu ku bana yaba mu mitsindire ndetse n’ibijyanye no kudata ishuri, kuko ku ishuri bafata amafunguro kandi yuzuye.”

Akomeza agira ati “Ni ikintu numva cyakabaye n’ahandi bakabigerageza kandi birashoboka usibye iryo gi. Rero hiyongeraho n’umuneke, avoka se, biterwa n’uburyo byabonetse; ariko ubona ari ikintu abana bishimiye cyane ntitwakwirengagiza kandi ko uburyo bafata amafunguro, tugenda tubahindurira, buri munsi ugira gahunda yawo ku buryo badahora ku ndyo imwe; hakiyongeraho ko kandi mu mpera z’igihembwe barya inyama na byo barabyishimira.”

Ni kenshi usanga mu bigo by’amashuri hari ikibazo gufata ifunguro ku ishuri ibintu usanga byica ireme ry’uburezi, kuko iyo umwana atariye neza yiga asinzira cyangwa ntageyo.  Iri shuri rikaba ari urugero rwiza ku bufatanye bw’ishuri n’ababyeyi kugukorera hamwe mu nyungu z’umwana.

Sylvain Ngoboka

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.