Connect with us

Hi, what are you looking for?

Amakuru

Nyaruguru: Barishimira Poste de Santé zabagabanyirije ingendo zo kujya kwivuza 

Bamwe mu baturage bo mu karere ka Nyaruguru mu murenge wa Nyagisozi mu kagari ka Mwoya, bishimiye Post de Santé bubakiwe aho i Mwoya, ubu bakaba bivuriza hafi, batagikora ingendo ndende kandi zibahenze.

Ibi aba baturage babitangaje mu cyumweru cyahariwe umujyanama n’umufatanyabikorwa mu iterambere ry’akarere ka Nyaruguru.

Ntawukuriryayo Celestin wo muri aka kagari ka Mwoya yavuze ko kwegerezwa iri vuriro ry’ibanze nk’abatuye muri aka gace byafashije cyane by’umwihariko ingendo bakoraga banya wkivuza zirenga ibirometero 30 n’amafaranga batangaga bajya kwa muganga yari agiye kubashiraho. 

Yagize ati «Kuri ubu nabwo naje kwivuza ndishimye, bamvuye aho mu myaka yashize bitashobokaga ko umuturage wo muri aka kagari yakwivuriza hafi atagiye iyo bigwa ngo n’agafaranga yari afite gashirire mu rugendo. Turashima Leta y’u Rwanda ihora itubereye maso ikadukirera igikwiye mu gihe gikwiye, muzadushimirire umubyeyi Kagame.”

Yakomeje avuga ko nubwo iyi Poste de Sante yubatswe bakishima abatuye muri aka gace bakaba basigaye babona aho bivuriza hafi indwara zitandukanye barwara ariko basigaranye ikibazo gikomeye cy’uko ababyeyi bagikora ingendo ndende bajya kubyara bamwe na bamwe bakaba babnabyarira mu nzira ko bishobotse iyi Poste de Santé yakongerwamo aho umubyeyi abyarira.

Musabyimana Adela na we utuye muri aka kagari ka Mwoya yashimye ubuyobozi bwiza bw’igihugu buhora buzirikana buri mu nyarwanda aho ari bukamuha ibyo akwiye byose ngo abeho neza nkibyo yabakoreye ubwo yabaruhuraga ingendo zo kujya kwivuriza iyo bigwa.

Yagize ati «Kano kagari gatuye hagati y’ibigonderabuzima biriri ariko ntanakimwe nk’abagatuye twari twegerereye tutarabona iri vuriro ry’ibanze byaratugoraga bikanaduhenda cyane ariko ubu ndishimye ubu nje kwivuza no kwaka icyangombwa ku kagari byose ntahe mbibonye ntagusiragira.»

Na we yakomeje avuga ko bishobotse nk’ababyeyi bakibyarira kure bakwegerezwa serivisi yo kubyara hafi.

Umuyobozi w’Akarere ka Nyaruguru, Murwanashyaka Emmanuel yashishikarije abaturage gukomeza gufata neza ibikorwa remezo bejyerejejwe yizeza abaturage bo muri Nyagisozi nk’umurenge wegereye umupaka ko serivisi zindi z’ingenzi bazagenda bazegerezwa nko kubyaza no gusuzuma ababyeyi, gukuramenyo n’izindi. 

Yagize ati «Mu mwaka utaha w’ingingo y’imari dufi miliyoni 99 zo kuzubaka tugashyira mu rwego rwa kabiri rwa poste de sante zishobora kubyaza aba 12 zigakora n’ibindi biataba kuzibanze zisanga izindi 3 zihari muri 21 ziri mu mirenge ikora ku mupaka.”

Mu karere ka Nyaruguru kuri ubu harabarurwa Poste de sante zigera kuri 36 ziri mu tugari dutandukanye tugize aka karere.

Rukundo Eroge

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.