Connect with us

Hi, what are you looking for?

Imanza

U Bubuligi: Iburanishwa ry’urubanza rwa Nkunduwimye ryasubitswe igitaraganya

Kuri uyu wa gatatu tariki ya 17 Mata 2024, Urubanza rwa Emmanuel Nkunduwimye rwakomeje mu Rukiko rwa rubanda rw’i Buruseri mu Bubiligi, umwanya w’iburanisha wahariwe itsinda ry’abagenzacyaha aho bagerageje guhuza ubuhamya bunyuranye, urebwa avugwamo.

Inkuru dukesha RBA, ivuga ko iri buranisha ryosojwe igitaraganya, kubera ko umwe mu Bapolisi bashinzwe umutekano w’Urukiko yinjiye bwangu agasaba abari mu Rukiko guhita basohoka kubera urusaku rw’integuza y’igisasu yumvikanaga muri iyo nyubako.

Mbere y’uko iburanisha risubikwa, itsinda ry’abagenzacyaha 6 ryakoze amaperereza hirya no hino mu gihugu, mu nzego zinyuranye no mu bihugu byo hirya no hino ku Isi, ryabanje kurahirira imbere y’inteko iburanisha uru rubanza, ko ibyo rigiye kugaragaza ari ukuri gushingiye ku buhamya babwiwe.

Abagenzacyaga bagize iryo tsinda babonetse ku wa Kabiri tariki ya 16 Mata ni  bane. Ibyo bibanzeho ni uguhuza amadosiye avugwamo Emmanuel Nkunduwimye bahimba Bomboko, n’abakekwaho cyangwa ababihamijwe n’Inkiko gufatanya nawe mu bikorwa binyuranye biri mu mugambi wa Jenoside yakorewe Abatutsi.

Habajijwe abo mu Rwanda, abari mu bihugu binyuranye by’i Burayi, abafungiye icyaha cya jenoside, abagendaha bahunga mu gihe cya jenoside, hanarebwa amwe mu madosiye y’Inkiko Gacaca n’ayaburanishirijwe iy’Arusha muri Tanzania.

Iri tsinda ry’Abagenzacyaha rivuga ko mu makuru ryamenye kandi ahurizwaho na benshi, ari uko Garage yitwaga AMGAR iherereye ahitwaga mu Gakinjiro, ubu ni mu Murenge wa Gitega, habereye ubwicanyi kandi ko hafi y’iryo garaje hari bariyeri.

Abatangabuhamya banyuranye bavuga ko bayibonyeho Emmanuel Nkunduwimye alias Bomboko, afite imbunda kandi yambaye impuzankano ya gisirikare.

Ubundi buhamya buvuga ko Emmanuel Nkunduwimye yakoresherezaga inama muri iryo garage zigamije kugaba ibitero byo kwica Abatutsi hirya no hino by’umwihariko mu Cyahafi. 

Ngo hari n’abamubonanye inshuro nyinshi na Georges Rutaganda ndetse na Kajuga Robert bari bakuriye interahamwe.

Hari n’ubuhamya buvuga ko Emmanuel Nkunduwimye yabonywe yambutsa imodoka ayijyana i Bukavu muri Repubulika Iharanira Demokarasi ya Congo.

Panorama 

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.