Jackson Kwizera
Abagore bo mu rugaga rw’Umuryango FPR Inkotanyi mu murenge wa Kimihurura bashyize imbaraga mu kurwanya amakimbirane mu miryango, banatanga ubufasha ku bagore bakora ubucuruzi buciriritse.
Ku wa 21 Gashyantare 2026, mu Murenge wa Kimihurura habereye Kongere y’Urugaga rw’Abagore rushamikiye ku Muryango FPR Inkotanyi, igamije kurebera hamwe uruhare rw’abagore mu iterambere ry’igihugu no gushimangira inshingano zabo mu miyoborere n’imibereho y’abaturage.
Iyo nama yitabiriwe n’abayobozi b’Urugaga rw’Abagore ku rwego rw’umurenge, akagari n’umudugudu, ndetse n’abafatanyabikorwa batandukanye. Hibanzwe ku nkingi enye z’ingenzi zirimo ubukungu, imibereho myiza, ubutabera na siporo.
Bazasura abagore batewe inkunga muri “one hundred women” bakurikirane imikoreshereze y’amafaranga bahawe, aho mu ntangiriro bazabanza kureba abahawe inkunga, bahugura abagore bahawe inkunga ya mafaranga, mu kubafasha guhanga imirimo banasure koperative ko menshi muriyo atakora neza hanatangazwa kuburyo buzakorehwa mugukurikirana ibimina na koperative, banabamenyeshe amategeko mashya abagenga no kubahugura kwihangira imirimo no kwizigama mu bimina no kubatinyura gukora imishinga minini, banashishikarize abagore kwiga imyuga no gukoresha ikorana buhanga banahugurwe kugana ibigo byimari. Hanasurwe isoko rya Rugando na Kimihurura yongeraho ko abazunguzayi bashakiwe aho bakorera heza yongeraho ko nabandi bazashakwa nabo bagasubizwa mu masoko.
Imibereho myiza hazasuzumwa ko abana bagejeje igihe cyo kwiga bari mu mashuri kugipimo cyuzuye. Abana bataye amashuri kumpavu zubushobozi bazakorerwa ubuvugizi bagasubizwa mumashuri. Bazanasura ibigo mboneza mikurire y’abana muri Kimihurura babihugure mu mikorere yabya, bakore ubuvugizi uko hazashirwa mubigo mboneza mikurire abana benshi mwiyo gahunda, nubwo mwibarura ryakozwe rigaragaza ko imirire mibi ni gwingira rigaragara muri Kimihurura, hanakorwe ubukangura mbaga mu tugari muri Kimihurura mu kurwanya imirire mibi y’abana no guhugura ababyeyi gutegura iryo yuzuye. Bazakora ubukangura mbaga no kurahiza abanyamuryango bashya banakangurire abagore bataraba abanyamuryango kuba abanyamuryango.
Bozongerera inzego imbaraga nubushobozi uyoboye urugaga amenye inshinganoze zuzuye ku nzego zidasobanukiwe inshyingano shya, banasure utugari ni midugudu hatagwe ibiganiro ku miryango ikiragwamo amakimbirane nubwo hagaragajwe ko itari myinshi biterwa no kutamenye kuba umuyozi n’umubyeyi. Basure umugoroba w’imiryango mugukemura ibizazo biri mu miryango byamakimbirane ni hohoterwa ribera mu muryango.
Bazongerera abagore ubushobozi mu bijyanye no kwihangira imirimo, kwizigamira no gukorera mu matsinda y’iterambere. Bashimangiye ko abagore bakwiye gukomeza kugira uruhare mu mishinga iciriritse n’iyisumbuyeho, bagana ibigo by’imari, kandi bakabyaza umusaruro amahirwe atangwa na Leta.
Hanatanzwe ubuhamya bw’abagore bamaze kwiteza imbere binyuze mu makoperative no mu bucuruzi butandukanye. Abagore basabwe gukomeza kuba umusingi w’iterambere ry’umuryango, barangwa n’indangagaciro z’ubunyangamugayo no gufatanya n’abandi mu kubaka umuryango utekanye.
Ku bijyanye n’ubutabera, hibanzwe ku kumenya no gusobanukirwa amategeko arengera abagore n’abana. Abayobozi basabye abagore kujya batanga amakuru ku ihohoterwa no kudatinya kwegera inzego zibishinzwe, hagamijwe kubaka umuryango utekanye kandi wubahiriza uburenganzira bwa buri wese.
Hatanzwe amahugurwa kw’itegeko rishya rirebana nubutaka kubashakanye kuko hakiri benshi batarizi biturutse ku kutitabira akagoroba k’umuryango, hanategurwe amahugurwa ahabwe abagore bari munzego zubutabera, hanasurwe koperative zabangavu batewe inda zitatenganyijwe bahabwe ubufasha bukwiye barebwe koperative niba haricyo zibamariye nkabanyamuryango bazo.
Bazasura amashuri batangemo ibiganiro bizatagwa na komisiyo y’ubutabera na komite nyobozi y’urugaga rwubutabera rushamikiye kuri FPR Inkotanyi, aho abanyeshuri bazigihwa kwirinda ingeso mbi no kuvuga ihohoterwa ribakorerwa, hakorwe ubuvugizi kubakorewe ihohoterwa ku nzego zibishizwe.
Hazanashirwa imbaraga muri gahunda ya ndumunyarwanda hasurwe ndetse hanaremerwe abarokotse jenoside yakorewe abatutsi 1994 hanarwanwe ingengabitekerezo ya jenoside, banakore amasuku ku nzibutso zabazize jenoside yakorewe abatutsi mugihe hari kwitegurwa kwibuka kushuro 32.
Hagarutswe kandi ku ruhare rwa siporo mu kubaka ubuzima bwiza no kwimakaza ubumwe. Abagore basabwe kwitabira no gushyigikira ibikorwa bya siporo mu rwego rwo kurushaho kwita ku buzima bwabo no guteza imbere impano z’abana n’urubyiruko bakanapimisha irwara zitandura.
Muri rusange, inama yasize hafashwe ingamba zo gukomeza gukangurira abagore bo mu Murenge wa Kimihurura kugira uruhare rugaragara mu iterambere ry’igihugu, hubakwa umuryango ushoboye kandi utekanye banaryanye amakimbirane mu miryango ko ariyo ntandaro nkuru y’igwingira ndetse no guta amashuri kw’abana bakisanga mungeso zitari nziza. Abitabiriye biyemeje gukomeza gushyira mu bikorwa ibyaganiriweho, hagamijwe kugera ku ntego z’iterambere rirambye hanaremerwa abagore babi bakoraga ubucuruzi buciriritse kugirango babashe kuzamura ubucuruzi bwabo hanamurikwa ibikorwa byabagore bishize hamwe mu koperative bagakora isabune zizwi nka (Savon Liquide).
