Connect with us

Hi, what are you looking for?

Amakuru

Kubura ubushobozi ku bava mu bigo ngororamuco kimwe mubi basubiza mu muhanda

Bamwe mu bava mu bigo ngororamuco bavuga ko kuba bagororwa ntibabone imiryango ibakira cyangwa ubushobozi bwo gushyira mu bikorwa ibyo bigishijwe, ari kimwe mu bituma bisanga bagarutse mu buzererezi. Bianatuma bongera gukora bimwe mu bikorwa bibangamira umutekano w’abaturage.

Ibi ni bimwe mu bibazo byagarutsweho na Ngwije Jean Nepo, Umuyobozi w’Ishami rishinzwe gukumira ubuzererezi, no gusubiza mu buzima busanzwe abava mu bigo ngororamuco mu kigo cy’igihugu gishinzwe igororamuco.

Agira ati “Impamvu ishobora gutuma hari abava mu bigo ngororamuco bakongera gusubira mu myitwarire ibangamira abaturage, ni impamvu akenshi zigendanye n’ibibazo bifitanye isano n’umuryango. Birumvikana ko ashobora gusubira muri iyo myitwarire mibi.

Ikindi iyo agarutse ntabone imirimo yo gukora cyangwa se ntabone icyo gukora, na byo bishobora gutuma asubira muri ya myitwarire ibangamira abaturage, ariyompamvu rero twashyize imbaraga mu kubashakira imirimo bazinjizwamo bakiva kugororwa, kugira ngo bajye bagera mu muryango nyarwanda bahita binjizwa muri iyo mirimo, bakomeze ubuzima bwo gukora babone igishoro.”

Sindikubwabo, uzwi ku izina rya Jaguar mu bagororewe mu kigo ngororamuco cya Iwawa, ubu akaba abarizwa mu Giporoso nk’inzererezi, n’ubundi ahamya ko avuye muri ibyo bigo ngororamuco yabuze aho yerekera, bigatuma yongera gusubira mu muhanda.

Yagize ati “Nkiva Iwawa, rubanda nyamwishi batigeze banyiyumvamo kubera imico n’ishusho nari mfite imbere yabo mbere y’uko njya kugororwa. Nabuze n’ubushobozi ngo nibura nkore ibyo nize, bituma nibera umuzamu mu maduka ya hano unsanze. Ku manywa mba ndi inzererezi, simfite aho nerekera, ndi imfubyi yewe sinzi naho ababyeyi babjye bavukaga”.

Kubera ko benshi baba bumva umuntu wavuye Iwawa ari nk’ikirara, ari umujura bakamufatira muri ya shusho yari afite mbere, bituma benshi mubavuyeyo batisanzura neza muri sosiyete, ni nacyo kintu gituma Ikigo cy’igihigu gishinzwe igororamuco (NRS) kibaho kugira ngo gifashe rwa rubyiruko rwavuye Iwawa kwishyirahamwe mu makoperative, no gushakira uburyo babafasha gushaka inkunga z’ibikoresho kugira ngo ya myuga bize ishobore kubatunga.

Ngwije Jean Nepo akomeza avuga ko kubashakira ubushobozi ari kimwe mu byatuma ibyo bigabanuka.

Yagize ati “Tubashakira imirimo mu gutegura imirimo bazinjizwamo bakiva kugororwa kugira ngo bajye bagera mu muryango nyarwanda bahita binjizwa muri iyo mirimo, bakomeze ubuzima bwo gukora babone igishoro kandi turizera ko bizatanga umusaruro”.

Mu bigo ngororamuco binyurwamo igihe gito mu Rwanda birimo 27 biri mu turere dutandukanye habarizwamo abagera hafi ku bihumbi umunani, na ho ku banyura muri ibyo bigo bakagororwa mu by’igihe kirekire harimo abarenga ibihumbi bitatu.

Munezero Jeanne d’Arc

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.