Connect with us

Hi, what are you looking for?

Akarere

Kuvuga ko u Rwanda rufasha M23 ni uburyo bwiza bwo guhunga umuzi w’ikibazo _Major Willy Ngoma

Mu kiganiro kirambuye Panorama.rw yagiranye n’umuvugizi wa gisirikare wa Armée Révolutionnaire Congolaise (ARC) uzwi nka M23 (Mouvement du 23 Mars), Major Willy Ngoma, yavuze ko abavuga ko igisirikare cy’u Rwanda kirwanira ingabo za ARC ari urwitwazo, kwigiza nkana no guhunga umuzi w’ikibazo.

Ati “Kuvuga ko abasirikare ba RDF aribo baturwanira ni ukwigira ba ntibindeba ahubwo mu rwego rwo gukemura ikibazo burundu bari bakwiriye kurebera ikibazo mu gihugu imbere (endogène) kuko ntabwo gituruka hanze ikindi hakenewe ko habaho gusobanukirwa urugamba rwacu mu buryo bwihariye”.

Major Ngoma yavuze ko byamaze kuba akamenyero ko iyo M23 iteye iharanira ko ibyo iharanira byumvikana bahita babyitirira u Rwanda.

Ati “Iyo Leta ya DRC ivuze ko u Rwanda rufasha M23 abaturage bose bahita bakoma amashyi ariko ibyo bigaragaza ko ari uguhunga ndetse gukwepa ikibazo nyacyo aho kugira ngo gikemurwe burundu”.

Kuri iyi ngingo, Ngoma yavuze ko ahubwo ikigaraga n’uko  harimo abahezanguni bakomeye mu nzego za Leta mu gisirikare, muri polisi aho asanga bibabaje cyane iyo bavuga ko M23 ari abanyarwanda ntibanashaka gutandukanya abavuga ururimi rw’ikinyarwanda b’abanyekongo n’aba banyarwanda, ahubwo bakabashyira mu gatebo kamwe bagamije kubasahurano kubica urubozo.

Muri iki kiganiro na Panorama, yakomeje avuga ko nta musirikare w’u Rwanda uri muri DRC ngo ahubwo ntibashaka no kumva ikibazo cya bamwe mu banyekongo barengana ntibahabwe uburengenzira bwabo, aha yemeza ko M23 ihuriwemo n’amoko yose y’abanyekongo.

Major Willy Ngoma yanashimangiye ku masezerano y’amahoro no guhagarika intambara M23 yagiye igirana na Leta ya DRC mu bihe bitandukanye nko mu Ukuboza 2013 ndetse no mu 2022 bagiranye na Leta ya Perezida Felix Antoine Tshisekedi wa Tshilombo ariko yose ntiyubahirizwa.

Raporo zitandukanye za Loni ndetse n’imiryango mpuzamahanga ku burengenzira bwa muntu zagiye zisoka zigaragaza ko u Rwanda rufasha M23 mu kubashikiriza ibikoresho bya gisirikare, kubaha umusada w’abasirikare ndetse no kubaha amafaranga ariko Leta y’u Rwanda nayo yakomeje igaragaza ko ibyo ari ukwivanga ku ruhande rw’ iyo miryango ariko inasaba ko Leta DRC yafata umwanya ikiga impamvu z’ icyo kibazo inagishakira umuti.

Abasirikare ba Sudan y’Epfo, u Burundi, Uganda, Kenya, Tanzania bategerejwe muri DRC mu rwego rwo guhashya imitwe yitwaje intwaro mu Burasirazuba bwa DRC irimo na M23.

Ingabo z’u Rwanda ntizizajya muri ubu butumwa kuko rutungwa agatoki na bamwe ko rwaba rutera inkunga umutwe wa M23.

Gaston Rwaka

1 Comment

1 Comment

  1. Nsengiyumva Papy PAPIAS

    September 12, 2022 at 10:31

    ntago ni buka neza ariko mu myaka ishize habayeho imishyikirano hagati y’ingabo z’u Rwanda ndetse n’imitwe yose yitwaza intwaro i barizwa kubutaka bwa Kongo.naho kuva Kongo ya kwinyira mu muryango w’ibihugu by’iburasirazuba w’Afurika;Ntekerezako nya kubahwa Felix Kisekedi na Mugenzi cyangwa na Bagenzi be bafite uko babiganira.naho gahunda ya basirikare babanyarwanda ni ndende cyane ngabo Cente Afurika,Ngabo muri Sudani y’amajyepfo ngobo i cobo dergade muri Mozambique ndetse no hirya no hino muri Afurika,none ikibazo ni ikihe ni uko Repulika y’Urwanda ya buze uyiyobora……igihe cy’ubujuji bwa cya renze no kujiji abandi kunyungu bwite nazo kandi zikomorwa mu maraso y’abanyarwanda cya rarenze.ubu tuvuga u Rwanda rufite byinshi cyane byo gukora ariko gukora ariko bigisaba ko Abanyarwanda bakanguka bakava mumfata bitekerezo ya politike y’i Gisirikare.ngaho bwira nk’umusiriakre wa Ex FAR ukibarizwa mw’ishyamba urabaza iki?ntekereza ko ufashe neza ibi bihe turimo uka bigiraneza ibihe bya General Major Habyarimana nabo bakoranaga ;icyo gihe General Major Kagame wa hita umugira umwere;ariko si uko kuko Turi Urubyiruko rushya ni imyumvire mishya.Naho ibyo byose ABASIRIKARE babamwo nta munyarawnda nuy’umwe bifite akamaro kuko nta nuwo byigeze bigirira akamaro;usibye urupfu ruhoraho ndetse twese tugisogongeraho na nu’uy’umunsi.Byose ni ubushishozi Ese Kagame nubwo butunzi mu myaka 5 aradusobanurira kuki u Rwanda rudafata umwanya wa mbere kw’isi nkigihugu gikize kw’isi cyangwa muri kwiba munatanga ruswa.

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.