Panorama Sports
Ishyirahamwe Nyarwanda ry’Umukino w’Amagare (FERWACY), ryateguye Irushanwa ryo kwibuka ku nshuro ya 31 abazize Jenoside yakorewe Abatutsi mu 1994 rizaba ku cyumweru tariki ya 27 Mata 2025.
Iri siganwa ryo kwibuka ku nshuro ya 31 ryiswe “Race to Remember” rizitabirwa n’amakipe asanzwe ari abanyamuryango ba FERWACY mu bagabo n’abagore, abangavu ndetse n’ingimbi.
Abagore, abangavu n’abatarabigize umwuga bazasiganwa ku ntera y’ibilometero 71,8 aho bazahagurukira kuri Canal Olympia, bakanyura i Nyamata mbere yo gusubira kuri Canal Olympia.
Abagabo, abatarengeje imyaka 23 n’ingimbi bazasiganwa intera y’ibilometero 113 aho bazava kuri Canal Olympia, bagere i Nemba mbere yo gusoreza aho batangiriye.
Mu 2024, Manizabayo Eric ‘Karadiyo’ mu bagabo na Mwamikazi Jazilla mu bagore ni bo begukanye iri siganwa.
