Connect with us

Hi, what are you looking for?

Amakuru

Nyamagabe: Abana bavuka mu miryango itishoboye bahawe Ubunani

Bamwe mu bana bo mu karere ka Nyamagabe bakomoka mu miryango itishoboye bahawe impano z'Ubunani zizabafasha no kwiga neza (Ifoto/Rukundo Eroge)

Bamwe mu bana bavuka mu miryango idafite amikoro bo mu karere ka Nyamagabe, batajya bizihiza iminsi mikuru, barashimira ubuyobozi bw’akarere bwababereye ababyeyi bukabazirikana, bubaha Ubunani.

Ibirori byo gusangiza abana Ubunani mu karere ka Nyamagabe, byabereye mu murenge wa Gasaka mu tugari twa Ngiryi na Nyamugari, ku wa 3 Mutarama 2023. Abana bavuga ko bitewe n’ubuzima banyuzemo mu myaka yashize kwizihiza Noheli n’Ubunani byagoranaga rimwe na rimwe ntibanamenye ko bibaho. Barashimira ubuyobozi bw’akarere bwababereye ababyeyi bukabazirikana kuri iyi nshuro mu kwizihiza iyi minsi, na bo babwizeza ko batazatenguha urukundo no kubitaho bagaragarijwe.

Bamwe mu bana bo mu karere ka Nyamagabe bakomoka mu miryango itishoboye bakorewe umunsi mukuru w’Ubunani (Ifoto/Rukundo Eroge)

Mfashwanayo Eric umwana wo mu karere ka Nyamagabe wabaye mu muhanda akaza kugera aho ajyanwa mu kigo ngororamuco cya Gitagata, nyuma akaza gukurwayo, avuga ko akomeje gutangarira ubuzima bwiza abayemo, ashimira ubuyobozi bwamusubije ubuzima.

Agira ati ”Visi meya yansanze i Gitagata arangarura nsubira mu ishuri, ubu nsoje umwaka wa kane, kandi ndifuza gukomeza kwiga nkazagera ku ntego zanjye nkaba umuntu ukomeye w’ingirakamaro. Nagiye mu muhanda kubera ubukene bwo mu muryango. Yaba mu muhanda no mu muryango kwizihiza iminsi mikuru byabaga bigoye, ariko ubuyobozi bw’akarere bwatubereye ababyeyi none baduhaye n’iminsi mikuru. Imana ibahe umugisha!”

Ntabanganyimana Bruno na we avuga ko kuri ubu ari umunyeshuri ariko agorwa no kubona ibikoresho. Kuba abihawe nk’impano ku munsi mukuru bigiye kumufasha kwiga neza.

Agira ati ”Ndiga ariko kubona ibyo kurya n’ibikoresho birangora bikansaba no kujya ku muhanda gushaka ibyo kurya. Kuba ubuyobozi bwatuzirikanye bukaduha ubunani n’ibikoresho byanshimishije. Noheli yabaye umunsi usanzwe kubera ubukene ariko ubu ndishimye ngiye kwiga nshyizeho umwete, nzigirire akamaro n’umuryango wanjye ndetse n’igihugu.”

Bamwe mu bana bo mu karere ka Nyamagabe bakomoka mu miryango itishoboye bahawe impano z’Ubunani zizabafasha no kwiga neza (Ifoto/Rukundo Eroge)

Umuyobozi w’Akarere ka Nyamagabe wungirije ushinzwe imibereho myiza y’abaturage, Uwamariya Agnes, yifurije abana kizagira umwaka mwiza uzira ingeso n’imyitwarire mibi, bagakomeza gukura bajya mbere, ababwira ko Igihugu kibakunda.

Agira ati ”Uyu mwaka dutangiye uzabe umwaka wo kugira imihigo, uburenganzira bwanyu bwose bwubahirizwe, kwiga, gukundwa, umwaka uzira ibiyobwenge, kubatera inda n’ibindi byabangamira umwana tubyamagane. Bana bacu turabakunda, abana batagize amahirwe yo kugira umuryango ubaba hafi; turahari ku bwanyu, nta mpamvu n’imwe yo kujya ku muhanda. Twese turahari ku bwanyu, uzagira ikibazo gituma ajya mu muhanda cyangwa ibiyobyabwenge azatwegere. Abana mujye mufatanya, abafite amikoro bafashe abatayafite, mufatanyije n’ababyeyi.”

Mu kwizihiza uyu munsi, buyobozi bw’Akarere ka Nyamagabe ku bufatanye n’abafanyabikorwa batanze impano zitandukanye ku bana biganjemo abadafite amakiro ahagije, ndetse n’abitwaye neza mu ishuri mu mwaka n’igihembwe bishize, ziganjemo ibikoresho by’ishuri.

Bamwe mu bana bo mu karere ka Nyamagabe bakomoka mu miryango itishoboye bahawe impano z’Ubunani zizabafasha no kwiga neza (Ifoto/Rukundo Eroge)
Bamwe mu bana bo mu karere ka Nyamagabe bakomoka mu miryango itishoboye bahawe impano z’Ubunani zizabafasha no kwiga neza (Ifoto/Rukundo Eroge)
Abana bizihiza ibirori by’Ubunani bakorewe n’Ubuyobozi bw’Akarere ka Nyamagabe n’abafatanyabikorwa bako (Ifoto/Rukundo Eroge)

Rukundo Eroge

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.