Connect with us

Hi, what are you looking for?

Amakuru

Nyamagabe/Musange: Kuzigamira Mituweli bibafasha kuyitangira ku gihe

Abaturage bo mu murenge wa Musange mu karere ka Nyamagabe, bishimira ko kuzigamira Mituweli byatumye bose batanga ubwisungane mu kwivuza bw’umwaka wa 2022/2023 bakaba barabiherewe igihembo cy’ishimwe.

Ku wa 30 Nyakanga 2022 aba baturage bashimiwe kuba baratanze Mituweli y’umwaka wa 2022/2023 ijana ku ijana (100%) biturutse ku kuba barasobanukiwe akamaro k’ubwisungane mu kwivuza, bitandukanye n’amafaranga menshi bashobora gutakaza igihe batabufite.

Uwimana Marie Chantal utuye mu kagari ka Masizi mu mudugudu wa Karama umubyeyi w’abana batatu yavuze ko kumenya ibyiza bya Mituweli, yatangiye kwizigamira ku buryo umwaka ujya gutangira yaragwije ubwishyu.

Agira ati “Umwihariko wacu ku Masizi ni uko dukora cyane ariko tukanitabira inama zitegurwa n’ubuyobozi tukumva ibyiza baba baduteganyirije nicyo natwe dusabwa kugira ngo tubigiremo uruhare. Njye na bagenzi ba njye twizigama buri cyumweru kandi iyo umuntu akora cyane ntiyabura mituweli anizigama. Masizi dukomeze ubwizigame ari na byo nshishikariza abandi nk’ibanga dukoresha nyuma yo kumenya ibyiza byo kugira ubwisungane mu kwivuza.”

Ntirenganya Venutse nawe utuye mu kagari ka Masizi mu mudugudu wa Rwina ufite abana bane n’umugore usanzwe ari umuhinzi. Yavuze ko mu mpera z’umwaka wabanje wa mituweli batangije gahunda yitwa “Ndihuta tugeraneyo.” Ikaba ariyo ibafasha gutanga mituweli kandi ku gihe binyuze mu matsinda yo kwizigamira buri cyumweru.

Agira ati “Hari igihe umuntu aba afite ubushake bwo gutanga mituweli ariko amafaranga ntayabonere rimwe ariko iyo utangiye kuzigama hakiri kare wesa imihigo.”

Yakomeje avuga ko ubumwa agenera abanyamusange n’abaturarwanda muri rusange ari ugutangira mituweli ku gihe bakabona uko banategura indi mishinga y’iterambere bamaze kwizera umutekano w’ubuzima bwabo.

Umunyamabanga Nshingwabikorwa w’Umurenge wa Musange, Hitimana Jean de Dieu, aganira na Panorama yashimiye abaturage bo muri aka kagari ka Masizi asaba abaturage bo mu tundi tugari kwigira ku muhate wabo ku Masizi bitarenze 05 Kanama 2022, umurenge wose ukaba ugeze ku ijana ku ijana.

Umurenge wa Musange ugizwe n’utugari 6 n’imidugudu 33 ukaba umwe muri 17 igize Nyamagabe kuri ubu abarenga 94% by’abaturage bawutuye, havuyemo n’abafite ubundi bwishingizi, bamaze gutanga ubwisungane mu kwivuza 2022-2023. Uyu murenge ukaba uri ku mwanya wa kabiri mu karere.

Rukundo Eroge

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.