Rayon Sports ku mwanya wa mbere

Nyuma yo gutsinda Marines FC ibitego 3-0 mu mukino wabereye kuri Sitade ya Kigali i Nyamirambo, kuri iki cyumweru tariki ya 17 Mata 2016, ikipe ya Rayon Sports niyo iyoboye urutonde rwa shampiyona y’umupira w’amaguru mu Rwanda.

Rayon Sports igeze kuri uyu mwanya iwusimbuyeho APR FC yatsinzwe na Etincelle igitego 1-0 mu mukino wabereye i Nyamirambo ku wa Gatanu tariki ya 15 Mata 2016. Ikipe ya APR FC ihita ifata umwanya wa kabiri n’amanota 34 irushwa inota rimwe na Rayon Sports.

Mu mikino yabaye kuri iki cyumweru tariki ya 17 Mata 2016, Police FC yatsinze Mukura VS igitego 1-0, Musanze itsindwa na Sunrise igitego 1-0 na ho Rwamagana inganya na AS Kigali 0-0.

Mu mikino yabaye ku wa Gatanu tariki ya 15 Mata 2015, APR FC yatsinzwe na Etincelle FC igitego 1-0, Espoir yanganyije na AS Muhanga 0-0, Amagaju FC anganya na Gicumbi FC 0-0, Kiyovu Sport itsinda Bugesera FC ibitego 3-2.

Rayon Sports ababanje mu kibuga: Ndayishimiye Eric Bakame, Manzi Thierry, Niyonkuru Djuma Radju, Munezero Fiston, Imanishimwe Emmanuel, Niyonzima Olivier Sefu, Manishimwe Djabel, Nshuti Dominique Savio, Kwizera Pierrot, Davis Kasirye, Ismaila Diarra

Rene Anthere