Rayon Sports yibasiye Bugesera FC (4-0)

Ku munsi wa 23 wa shampiyona y’umupira w’amaguru mu Rwanda, Rayon Sports FC yatsinze itababariye Bugesera FC ibitego 4-0.

Umukino wabereye kuri Sitade ya Kigali i Nyamirambo kuri uyu wa Gatatu tariki ya 11 Gicurasi 2016, Bugesera FC yari yakiriye Rayon sports ariko ihitamo ko bakinira i Kigali aho kuyijyana ku kibuga cyayo i Nyamata.

Mu gice cya mbere cy’umukino, ikipe ya Bugesera yatunguwe n’uko cyarangiye imaze kwakira ibitego bitatu. Mu cya kabiri ihabwa agashinguracumu maze itahana impamba y’ibitego 4-0.

Ibitego bitau byatsinzwe na Ismaila Diarra, icya mbere, icya gatatu n’icya kane. Igitego cya kabiri cya Rayon Sports cyatsinzwe na Kwizera Pierrot.

Indi mikino yabaye yabaye uyu munsi, Police FC yatsinze AS Muhanga ibitego 2-0, Amagaju yanganije na AS Kigali 1-1, Espoir yakiriye Etincelles yatsindiwe imbere y’abafana bayo igitego 1-0, na ho Kiyovu Sports itsindwirwa imbere y’abafana bayo na Mukura VS igitego 1-0.
Rene Anthere