Panorama Sports
Kuri uyu wa Gatatu tariki 26 Werurwe 2026, shampiyona y’icyiciro cya mbere mu bagabo irakomeza hakinwa imikino ibiri y’ibirarane yo muri FIRST ROUND, aho yari bukinwe ku munsi wa 13, ikaza kubera muri Petit Stade.
Uko imikino iteganyijwe, ikipe ya AZOMCO irakina na UGB ku isaha ya saa kumi n’ebyiri n’igice z’umugoroba (18h30) na ho Kepler BBC ihure na TIGERS BBC saa tatu z’ijoro (21h00).
Ni umukino uhuza amakipe yombi ku nshuro ya mbere kuko AZOMCO irimo gukina umwaka wa mbere muri shampiyona y’icyiciro cya mbere.
Uko amakipe ahagaze ku rutonde rwa Shampiyona
AZOMCO iri ku mwanya wa nyuma (9) n’amanota 9 na ho UGB ikaba iri ku mwanya wa 12 mu mikino 8 amakipe yombi amaze gukina.
Uko amakipe yitwaye mu mukino uheruka
Mu mukino uheruka wa shampiyona wabaye tariki 23 Werurwe 2025, AZOMCO ikaba yarabashije kwitara neza ibona intsinzi yayo ya mbere kuva shampiyona yatangira, aho yatsinze bigoranye Kepler BBC ku monota 89-87, hitabajwe iminota y’inyongera (Overtime), dore ko iminota isanzwe y’umukino yari yarangiye amakipye yombi aganyanya amanota 81-81.
KEPLER BBC VS TIGERS
Uyu ni umukino ufite byinshi usobanuye ku mpande zombi, kubera ko bombi bahabwa amahirwe yo kuzasoza mu makipe 4 ya mbere ari nayo akina imikino ya Kamarampaka izwi nka ‘Playoffs”, ari nayo itanga ikipe itwara igikombe cya shampiyona.
Ni umukino ugiye guhuza amakipe yombi akurikiranye ku rutonde rwa shampiyona, aho Kepler BBC iri ku mwanya wa 6, Tigers BBC ikaba iya 7, aho amakipe yombi anganya amanota 11 mu mikino 8 amaze gukina.
Amakipe yatsinzwe umukino uheruka wa Shampiyona
UGB yatsinzwe bitunguranye na AZOMCO ku manota 89-87, wabaye tariki 23 Werurwe 2025. Tigers BBC na yo yatsinzwe na APR BBC ku manota 95-76, mu mukino wabaye tariki 21 Werurwe 2025. Kepler BBC ntabwo iratsindwa na Tigers muri shampiyona. Mu mikino ibiri iheruka guhuza amakipe yombi, Kepler BBC yatsinze Tigers BBC imikino yombi yabaye muri shampiyona y’umwaka ushize wa 2024.
Tariki ya 26 Nyakanga 2024, Kepler BBC 85-84 Tigers BBC na ho ku itariki ya 27 Werurwe 2024 , Tigers BBC na bwo yari yatsinzwe na Kepler BBC (amanota 67-85 ).
Uko amakipe yitwaye mu mikino ine iheruka
Mu mikino ine iheruka ya shampiyona, Kepler BBC yatsinzwe imikino itatu. Kapler vs AZOMCO 87-89; Kepler vs Patriots 84-67, na Kepler vs REG 71-72). Kepler yatsinze umukino umwe yahuye na AZOMCO ku manota 93-67. Naho Tigers BBC yo yatsinzwe imikino ibiri, Tigers vs APR BBC 76-95 n’uwa Tigers vs UGB 75-76. Tigers BBC kandi yashoboye gutsinda imikino ibiri, Tigers BBC vs ORION 81-74 n’undi Tigers BBC vs AZOMCO yatsinze ku manota 96-89.
