Connect with us

Hi, what are you looking for?

Amakuru

Urubyiruko rwo muri Commonwealth rwagaragaje Leta na za Guverinoma ibibazo birwugarije

Urubyiruko rwo mu bihugu byibumbiye mu muryango w’ibihugu bikoresha ururimi rw’icyongereza (Commonwealt), rwagaragarije Leta na za Guverinoma z’ibyo bihugu, bimwe mu bibazo by’ingutu bibangamiye abakiri bato. Ibyo bibazo birimo ibura ry’akazi, ireme ry’uburezi, ihindagurika ry’ibihe n’ibindi. Urubyiruko nirwo rugize umubare munini w’abaturage b’ibihugu bigize uwo muryango.

Muri miliyari zirenze ho gato ebyiri n’igice z’abaturage b’ibihugu byibumbiye mu muryango w’ibikoresha ururimi rw’icyongereza, miliyari irenga ni urubyiruko ruri munsi y’imyaka 30, bivuze ko 60% by’abaturage ba Commonwealth ari abakiri bato.

Ibi byagarutsweho ku munsi wa Kabiri w’ihuriro ry’urubyiruko rwitabiriye inama ya CHOGM irimo kubera i Kigali gusa nubwo bagaragaje ibibazo bafite ariko nabo basambwe na leta yabasabye ku byaza amahirwe make   babona  umusaruro, bityo rugatanga umusanzu ufatika mu gushakira ibisubizo ibibazo bibangamiye iterambere n’imibereho y’abaturage b’uyu muryango.

Ikiganiro cyabimburiye ibindi ku munsi wa kabiri w’ihuriro ry’urubyiruko rwitabiriye inama y’abakuru b’ibihugu n’aba za guverinoma mu muryango wa Commonwealth, cyihariwe na ba rwiyemezamirimo b’urubyiruko bafite imishinga n’ibigo bitanga serivisi zitandukanye zisubiza bimwe mu bibazo byugarije umuryango mugari w’abatuye ibihugu byabo, Commonwealth n’Isi muri rusange.

Birasa n’aho ibibazo byugarije urubyiruko rw’ibihugu biri muri uyu muryango uko ari 54 bifite ikita rusange, kuko bigaruka cyane ku ibura ry’akazi, uburezi budashamaje kuri bimwe mu bihugu bigize uyu muryango n’ibindi nk’uko bigarukwaho na Judith Esprerance Tsemo wo muri Cameroun na Alex TAUPEA wo mu birwa bya Solomon.

Judith Esprerance Tsemo yagize ati “Mu gihugu cyacu Cameroun inzitizi nyamukuru urubyiruko ruhura nazo harimo  kubura ireme ry’uburezi, kubera ko byose bihera ku ireme ry’uburezi,  cyane ikibazo cy’ibikorwaremezo. Dukeneye ibikorwaremezo byujuje ubuziranenge, inyubako z’amashuri zimeze neza, kugira ngo abanyeshuri bashobore kwiga neza.”

Alex TAUPEA we ati “Hari byinshi bigira ingaruka ku rubyiruko mu gihugu cyanjye. Urugero ni ibura ry’akazi,icyo ni kimwe,, hari ingaruka z’ihindagurika ry’igihe ku kiremwa muntu by’umwihariko ku rubyiruko.”

Kuba hakiri ibibazo by’ingutu bibangamiye ahazaza h’urubyiruko rwo mu bihugu byibumbiye muri CommonWealth, binashimangirwa na Bwana Kim Allen ukuriye inana y’urubyiruko muri uwo muryango, urimo ibihugu byinshi byo ku mugabane w’Afurika.

Yagize ati “Ibibazo by’uyu munsi ni uruhurirane ugereranije n’imyaka 10 ishize. Isi iragenda yigobotora gahoro gahoro icyorezo, ni ikibazo cyagize ingaruka ku buzima bwacu mu buryo bwinshi, ariko hari ihindarika ry’ibihe, gutakaza  urusobe rw’ibinyabuzima, ivangura  no kutagera ku bukungu.”

Ubunyamabanga bukuru bw’umuryango w’ibihugu bikoresha icyongereza, bwasabye ko amategeko n’ibyememezo bifatwa na za leta z’ibihugu biri muri uwo muryango bigomba kuba birengera inyunga z’imibereho myiza y’abakiri bato, kandi mu buryo bungana.

Dr Arjoon Suddhoo ni Umunyamabanga Mukuru Wungirije wa Commonwealth. Ati “Mwite ku bushobozi n’uburenganzira bw’abakiri bato kandi hajyeho uburyo bwo kunononsora, gushyira mu bikorwa, gusesengura no kugenzura ishyirwa mu bikorwa ry’amasezerano, amategeko, ingamba na Porogaramu yaba mu bya politiki, mu by’ubukungu n’imibereho myiza kandi ku nzego zose, kugira ngo abakiri bato babyungukiremo mu buryo bungana.”

Minisiteri y’urubyiruko n’umuco yo yasabye urubyiruko rwo mu muryango nw’ibihugu bikoresha ururimi rw’icyongereza, kuba biteguye gufata inshingano z’ahazaza habo, aho kumva ko hari undi ugomba kubibakorera.

Minisitiri w’Urubyiruko n’Umuco, Madamu Rosemary Mbabazi yagize ati “Ese murahari kugira ngo ahazaza hanyu habe hari mu biganza byanyu? Cyangwa murabitegera ahazaza? Ese murakora ibikinewe kugira ngo mureme ahazaza hanyu? Cyangwa mwabihariye amahirwe? Ese mwiteguye gusiga Isi ari nziza kurusha uko mwayisanze? Cyangwa ni inshingano z’undi muntu?”

Icyakora urubyiruko rwo mu bihugu byo mu muryango ukoresha ururimi rw’icyongereza, rwizeye ko ibitekerezo n’ibisubizo ku bibazo bafite bishakirwa umurongo mu ihuriro ribahurije i Kigali, no mu nama y’abakuru b’ibihugu na za Guverinoma nayo itegerejwe muri iki cyumweru mu Rwanda.

Ku munsi wa kabiri w’ihuriro ry’urubyiruko rwitabiriye inama ya CHOGM i Kigali, hatangijwe ubukangurambaga bugamije gukangurira urubyiruko kugira uruhare mu kurwanya kanseri y’inkondo y’umura.

Munezero Jeanne d’Arc

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.