Connect with us

Hi, what are you looking for?

Amakuru

UTB yemeye gufasha urubyiruko 100 kwiga imyuga ku mwenda

Zulfat Mukarubega washinze UTB (Ifoto/ Rukundo)

Rukundo Eroge

Kaminuza yigenga y’Ubukerarugendo, Ikoranabuhanga n’Ubucuruzi (UTB) igiye gufasha urubyiruko 100 rwo mu karere ka Ruhango no mu tundi turere two mu ntara y’Amajyepfo kwiga imyuga izarufasha kwiteza imbere.

Ibi byagarutsweho n’uwashinze UTB, Mukarubega Zulfat ku wa 05 Mutarama 2024 ubwo mu karere ka Ruhango hafungurwaga ishami rya gatatu rya UTB nyuma y’irya Kigali n’irya Rubavu.

Zulfat agira ati “Turashaka kurihira abana ijana bo mu majyepfo kwiga imyuga mu mezi icyenda, bakajya bishakira icumbi, tukazabashakira akazi bakazishyura bamaze kwiga. Ugomba kuba wararangije umwaka wa gatandatu wisumbuye uvuga n’icyongereza.”

Senateri Uwizeyimana Evode, avuga ko abanyaruhango bakwiye gushyigikira iri shami rivutse rya UTB rigatera imbere.

Agira ati “Mwese mureke dushyigikire uyu mwana uvutse. Iri shuri riri mu biganza bizima, intsinzi yatangiye kuza; nagira ngo mpamagarire urubyiruko rwo mu Ruhango kuzaza kwiga muri iyi kaminuza.”

Umuyobozi w’Akarere ka Ruhango, Habarurema Valens, avuga iri shami rya kaminuza rigiye kugira uruhare mu iterambere ry’Akarere ka Ruhango.

Agira ati “Abanyeshuri baziga hano ni abanyaruhango bazabagaburira, bazabogosha, bazabatwara, urumva ko bizafasha abaturage bacu n’akarere muri rusange. Duhaye ikaze n’abandi bifuza kuza muri Ruhango. Abana bazarihirwa ku wa mbere tuzaba twababonye baze bige.”

Iri rishami ryitezweho korohereza abaturage bo mu ntara y’Amajyepfo by’umwihariko urubyiruko kubona aho guhaha uhumenyi n’andi mahirwe abushamicyiyeho nko kujya mu mahanga, rifite amashami umunani harimo atanga amahugurwa y’igihe gito n’impamya bumenyi mu gihe gito.

UTB yashinzwe mu 2006, ihabwa uburenganzira bwo gukora no gutanga impamyabushobozi mu 2008. Iyi kaminuza imaze gushyira ku isoko ry’umurimo abasaga 300,000. Ifite ishami ry’ubucuruzi n’ikoranabuhanga, iry’imicungire y’amahoteli na resitora ndetse n’iry’ubukerarugendo. Hiyongereyeho ishami rijyanye no gutwara abantu n’ibintu, iry’ubuhanga kuri mudasobwa ndetse n’iry’Iterambere ry’abaturage. Harimo kandi abiga amasomo y’igihe giciriritse n’ay’igihe gito harimo ibyo gukora mu ndege n’andi y’imyuga itandukanye.

Abize muri UTB basaga 300 bafashijwe kubona akazi muri Qatar na Emirates.

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.