U Rwanda rwashyizwe ku mwanya wa 6 ku Isi mu bihugu 10 bya mbere mu guhangana na COVID-19. U Rwand arwageze kuri uyu mwanya n’amanota 80.8, rukaba igihugu kimwe rukumbi ku mugabane wa Afurika.
Ni mubushakashatsi bwashyizwe ahagaragara n’Ikigo Lowy Institute cyo muri Australia. Nta gihugu na kimwe mu bikomeye ku Isi kiri mu myanya ya mbere 10 mu guhangana na COVID-19.
Ku mwanya wa mbere haje New Zealand n’amanota 94.4, umwanya wa kabiri Vietnam n’amanota 90.8, umwanya wa 3 hari Taiwan n’amanota 86.4, ku mwanya wa 4 hari Thailand n’amanota 84.2, umwanya wa 5 hari Cyprus n’amanota 83.3 na ho umwanya wa 6 uzaho u Rwanda n’amanota 80.8. Ku mwanya wa 7 haje Iceland n’amanota 80.1, umwanya wa 8 hari Australia n’amanota 77.9, umwanya wa 9 hari Latvia n’aho uwa cumi hakaza Sri Lanka.
Leta Zunze Ubumwe za Amerika, u Bushinwa na Brezil biri mu bihugu byaje inyuma muri ubu bushakshatsi mu guhangana na cOVID-19.
Ikigo Lowy Institute cyatangaje ko mu gukora ubushakshatsi cyashingiye ku bipimo bitandatu birimo ingano yo gufata ibipimo hagendewe ku mubare w’abaturage bandura, umubare w’abapfa, gusesengura ibipimo by’abandura kuri miliyoni, ibipimo by’abapfa kuri miliyoni, n’ibindi.
Kuva icyorezo cya COVID-19 cyagera mu Rwanda muri Werurwe 2020 kugeza ku wa 27 Mutarama 2021, mu Rwanda hamaze gufatwa ibipimo 853,238; abagaragara ku banduye bagera ku 14,166; abakize ni 9,042; abamaze guhitanwa n’icyo cyorezo bagera ku 183.
Rwanyange Rene Anthere
