Panorama Sports
Umunyarwanda usiganwa ku magare wabigize umwuga, Mugisha Moise, akomeje kwigaragaza azamura ibendera ry’u Rwanda, aho yambaye umwambaro w’umukinnyi witwaye neza mu kuzamuka mu misozi mu irushanwa ribera muri Vietnam rya “Ho Chi Minh City Television Cycling Cup 2026”.
Mugisha Moise witabiriye Ho Chi Minh City Television Cycling Cup 2026 ari kumwe n’Ikipe ya TPHCM Vinama, uri muri Vietnam mu ntangiriro za Mata, yitabiriye iri siganwa rigizwe n’uduce 25 tuzakinwa muri iri siganwa ryatangiye taliki ya 03 Mata 2026.
Tariki ya 20 Mata nibwo hakinwe agace ka 16 kahagurukiye i Nha Trang kerekeza i Da Lat ku ntera ya kilometero 140, Umunyarwanda Mugisha Moise aho yaje kwegukanamo umwana wa kabiri akoresheje ibihe bingana amasaha atatu, iminota 58 n’amasegonga 51, akurikiye mugenzi we Sergei Kulikov wabaye uwa mbere amusize isegonda rimwe.
Ni mu gihe Yarash Uladzislau w’Ikipe ya Ho Chi Minh City New Group, akomeje kwambara umwambaro w’umuhondo umaze gukoresha amasaha 43, iminota 20, n’amasegonda 37. Muri rusange Mugisha Moise ageze ku mwanya wa Gatatu arushwa iminota 9 n’amasegonda 51, aho iyo minota arushwa yajemo ubwo yatobokeshaga igare ubwo bari bageze mu gace ka 11 k’isiganwa.
Byitezwe ko Mugisha azasozanya umwambaro w’umukinnyi urusha abandi kuzamuka imisozi, kuko ari we uyoboye abandi ku rutonde n’amanota 51, arusha Pierantozzi Lucio amanota 13.
Agace k’uyu munsi, taliki 21 ka 17, karaza gukinwa kazenguruka ku ntera y’ibirometero 51 kanyura ku kiyaga cya Xuan Huong mu Ntara ya Lam Dong.
Isiganwa ritangira taliki ya 03 Mata 2026, harimo abakinnyi bagera kuri 115, aho ubu isiganwa rigeze ku gace ka 16 abakinnyi basigayemo ni 27 gusa bitazwi niba irushanwa risigaje uduce tugera kuri 8 n’abandi bashobora kutazarirangiza.
