Connect with us

Hi, what are you looking for?

Abagore

Abana bavuka ku bakora uburaya bakeneye ubutabera bwihariye

Hari bamwe mu bana bavuka ku bakora uburaya bahohoterwa bakiri bato na bamwe mu baza gusambanya ababyeyi babo, ariko ntibabone gikurikirana.

Umwana w’umukobwa udatangajwe amazina ye kubera ataragira imyaka y’ubukure yahohotewe n’uwari waje kuryamana na nyina umubyara. Ntawe yabibwiye kubera kutisanzura kuri nyina. Agiye gusura kwa nyina wabo aho yisanzura niho yagerageje kuvuga ibyamubayeho.

Nubwo abivugana ikiniga, mu kiganiro n’Ikinyamakuru Panorama, agira ati “Mama yakoraga mu kabari ariko rimwe na rimwe akajya atahana abagabo bakararana, akambwira ko ari abatonto; ubundi akanyohereza kurarana n’umukozi w’umuhungu twagiraga. Byarangiye uwo mukozi ankinisha ku gitsina cyanjye birangira tubikoze.  Rimwe rero masenge ahitamo kuntandukanya na mama kugira ngo nzabone uko niga neza. Nyuma kuko nari nsigaye mpumura nabi mu gitsina nibwo bambajije impamvu mbasobanurira ibyambayeho.”  

Yaravuwe arakira rakira ariko ibyo kubona ubutabera bisa n’ibiciwe intege nuko ngo umwe mu bakora mu nzego z’ubutabera yababwiye ko kubona ibimenyetso byagorana, ubundi kandi bikaba bishobora gufungisha uwo musore na nyina w’uwo mwana w’umukobwa nk’umufatanyacyaha.

Nyirasenge agira ati “byagenze gutyo nanjye birandenga ndavuga nti ‘uyu mwana akuze, ntiyazabona ko hatanzwe ubutabera yavuga ko nafungishije mama umubyara.’ Nahisemo kumuvuza ndamurera ubundi mutandukanya na nyina dore ko n’ubundi Papa w’uwo mwana yitabye Imana.  Ni amahitamo agoye ariko ntakundi.”

Bavukira mu buraya nabo bakaba indaya

Umwana   ukora uburaya ahazwi nko mu Migina no mu Gisimenti avuga ko yatangiye gusambanywa afite imyaka 15 bitewe na nyina. Kuri ubu afite imyaka 17, yamaze kubyara kandi nta bundi bufasha yahawe bwaba ubw’amategeko n’ubundi bumufasha kubaho. Yagize ati “najyaga naka mama ibikoresho by’ishuri akansubiza ngo aho nkura amafaranga ntuhareba? Ntukantere isesemi.”

Uyu mwana akomeza avuga ko iyo hagiraga umugabo uza kureba nyina akamubura, yahitaga amutereta. Ngo iyo umwana yabibwiraga nyina ko bamuterese akabangira, yaramukubitaga, akamutuka kandi akamuhoza ku nkeke ngo “mbese kuki wowe atagira uruhare mu kwinjiriza urugo.”   Ng’uko uko yisanze nawe yabaye indaya anabyariramo ari muto.

Umwe mu babyeyi bakora uburaya na we abihamya, kuko yemeza ko hari abagabo bacyura babageza mu rugo bakanabasambanyiriza  abana babo. Kuri we, iyo ari umubyeyi utewe ipfunwe n’akazi nawe akora, abihunza abana ntanabibakorere mu maso yabo. Aranabacyaha akirinda ko bamenya ikimutunze. Ariko iyo ari umubyeyi bidafite icyo bibwiye na bo arabashora ku buryo usanga birangiye babaye indaya ari bato, bakabyariramo, bakabukuriramo bikaba byangira ingaruka ko ku kigero kiri hejuru bazabiraga nabo abana babo.

Uyu mubyeyi akomeza avuga ko rimwe yazanye umugabo bombi basinze. Bamaze kuryamana  amusaba kujya hanze, agarutse ahita asambanya umwana wari muri saro.  Ngo uyu mubyeyi yatanze ikirego baramubwira ngo “ubundi se iyo usambanaumwana akurora uba ubona umwana wawe we atagomba kubikora.  Byarangiye avuye mu ishuri aza no kubyara kuri ubu nawe yahindutse indaya.”

Ntibakunze kuvuga ibyababayeho

Sengoga Christophe ni umukozi wo mu muryango Health Development Initiative (HDI) ushinzwe uburenganzira akaba n’umunyamategeko. Avuga ko igihe cyose baganiriye na bo babahugura ku burenganzira bwabo, n’uburyo bwo kurengera abana babo. Yagize ati “ubundi ubutabera buhabwa uwagaragaje ikibazo.  Turabizi ko bibaho ariko akenshi ntibabivuga. Gusa dukomeza gukora ubukangurambaga tubashishikariza amategeko kandi n’abana tubigisha uburyo bakwitangira ikirego.”

Aba bana ngo iyi mico bayimenyerezwa n’ababyeyi babo buhoro buhoro, ku buryo badashobora kuvuga ibyababayeho. Iyo igihe kigeze n’ikirego kikaba cyatangwa, kubona ibimenyetso biragorana. Ugasanga habayeho kumvikana n’uwamufashe ku ngufu akagira icyo yemera azafasha umwana ubundi iby’ubutabera bigashyirwa mu gatebo.

Ubwo Umuryango w’abanyamakuru baharanira amahoro PAX PRESS wakoraga ikiganiro ku kurwanya inda zitifujwe mu murenge wa Bushenge, Akarere ka Nyamasheke,  umwe mu bakobwa yagize ati “ubwo butabera bufunga uwaguhohoteye se, bukagusiga wenyine uhihibikanira umwana wenyine bwo ni butabera ki? Njye nahitamo kumvikana n’uwanteye iyo nda akamfasha ariko ntafungwe kuko uburoko bwe ntibungaburira njye n’umwana we usigaye.”

Uburyo bwo guhangana n’iki kibazo

Umuyobozi Nshingwabikorwa wungirije w’Akarere ka Gasabo, Mudaheranwa Regis, avuga ko bajya bahuza abana bose bo mu mu karere mu gihe cy’ibiruhuko bangana n’ibihumbi cumi n’umunani bavanze bose bakigishwa uburyo bakwirinda no kumenya kwitangira amakuru mu gihe bahuye n’ibibazo. Ibi ngo byatanze umusaruro kuko abangavu babashije gutinyuka bagaragaza ababatera inda n’ababahohotera.  

Ati “Ntabwo tubavangura tubarebera hamwe n’abandi bangavu bahohoterwa, cyane ko akenshi tubimenya byamaze no kuba, ariko iyo tugize umwana tumenya ko byamubayeho cyangwa ari gutotezwa turamufasha agahabwa ubutabera nk’abandi bangavu muri rusange. Kandi iyo dusanze umubyeyi abimujyanamo kuko yabuze icyo kurya turakimuha.  Nk’ubu hari abo twabihaye muri Nyagatovu abana babo tubashakira uburyo bwo kwiga…”

Ikindi ngo akarere gakora umukwabu mu ndaya aho zikunze gukorera. Icyo gihe ngo abari munsi y’imyaka 18, babasubiza mu miryango, abandi mu mashuri, abafite impinja bagafashwa, kuko hari n’abigishwa imyuga yo kubafasha mu mibereho.

Uyu muyobozi avuga ko ubu indaya zizwi akarere gafite ari 104 zifashwa. Nyamara ariko umubare w’abafashwa n’uwabasigaye badafashwa ukaba ari muto cyane ugereranije n’umubare w’abakora uburaya muri rusange n’uko biyongera bitewe n’ukugorwa n’imibereho.  

Munezero Jeanne d’Arc

Click to comment

Leave a Reply

Your email address will not be published.

Izindi wakunda

Akarere

Bamwe mu bahanzi bo mu Rwanda, muri Repubulika Iharanira Demokarasi ya Kongo no mu Burundi babifashijwemo n’Umuryango mpuzamahanga uharanira amahoro, La Benevolencia bakoze indirimbo...

Imanza

Kuri uyu wa kabiri tariki ya 17 Gicurasi, Urukiko rw’i Paris mu Bufaransa, rwumvise abatangabuhamya basabwe n’ubushinjacyaha mu rubanza Laurent Bucyibaruta akurikiranweho ibyaha bifitanye...

Amakuru

Imbaraga, ubwitange, kwihangana no gukorana umuhate mu guhangana n’icyorezo cya COVID-19, ni bimwe mu bishingirwaho Abaforomo n’Ababyaza bagasabirwa kuzamurwa mu ntera y’ingazi ntambike (Promotion...

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.