Rene Anthere Rwanyange
Ku mugoroba wo ku Cyumweru tariki ya 22 Nzeri 2024, APR BBC yatsinze Patriots BBC amanota 73-70 mu mukino wa gatandatu wa Kamarampaka, byatumye yegukana Igikombe cya Shampiyona ya Basketball ku nshuro ya kabiri yikurikiranya. APR BBC yegukanye iki gikombe nyuma yo gutsinda imikino ine kuri ibiri ya Patriots BBC. Ni igikombe cya 15 mu mateka ya APR BBC. Ugutwara igikombe kwa APR BBC bituma izitabira imikino ya BAL 2025.
APR BBC yahembwe miliyoni 15 z’amafaranga y’u Rwanda (15,000,000Frw), Patriots BBC ya kabiri ihabwa miliyoni indwi n’igice (7,500,000Frw), na ho REG BBC yabaye iya kabiri ihembwa Miliyoni eshatu n’igice (3,500,000Frw).
Mu bakinnyi ku giti cyabo bahembwe, Isaiah Miller wa APR BBC yahembwe nk’umukinnyi mwiza w’iyi mikino (MVP), ahabwa miliyoni ebyiri z’amafaranga y’u Rwanda (2,000,000Frw) yahawe na Betpawa.
Abakinnyi bitwaye neza muri Shampiyona isanzwe (Regular Season), bayobowe na Chadie Bowie wa Kepler BBC wabaye uwahize abandi.
Pitchou Manga wa REG BBC yabaye uwugariye neza na Ndizeye Dieudonné wabaye uwatsinze amanota atatu menshi; Henry Mwinuka utoza Patriots BBC yabaye umutoza mwiza w’umwaka.
Mu cyiciro cya shampiyona mu bagore, ho nyuma y’umukino utari warabereye igihe wabaye na wo kuri iki cyumweru, tariki 23 Nzeri 2024, APR WBBC yatsinze RP IPRC Huye WBBC amanota 85-81; ikaba ari na bwo yahise isozwa.
Gutsindwa kuri RP IPRC Huye WBBC byatumye ibura amahirwe yo gusoza mu makipe 4 ya mbere ku rutonde rwa shampiyona, ari na yo akina irushanwa rya Kamarampaka “Betpawa Playoffs 2024”.
Uko amakipe yasoje ku rutonde rwa shampiyona:
1. REG WBBC 35 Pts
2. APR WBBC 35 Pts
3. Groupe Scolaire Marie Reine BBC 31 Pts
4. Kepler WBBC 29 Pts
5. RP IPRC Huye WBBC 28 Pts
6. The Hoops 25 Pts
7. GS Gahini 24 Pts
8. East African University 23 Pts
9. UR Kigali 21 Pts
10. UR Huye18 Pts
Biteganyijwe ko imikino ya Kamarampaka “Betbapwa Playoffs 2024, (1/2),” izatangira kuri uyu wa Gatatu tariki, 25 Nzeri 2024, ikazahuza amakipe ane ya mbere.
REG WBBC vs Kepler WBBC
APR WBBC vs GS Marie Reine
