Panorama Sports
APR FC yanganyije na Etincelles ibitego 2-2 yongera guha amahirwe Rayon Sports yo gusubira ku mwanya wa mbere. Impaka zatangiye kuba nyinshi mu bakunzi ba ruhago ku ikipe izegukana igikombe cya shampiyona.
APR FC yiharira umupira by’umwihariko mu kibuga hagati, icyakora ikananirwa kubaka ngo ireme uburyo bufatika bwabyara ibitego.
Ku munota wa karindwi wonyine Cheik Djbril Ouattra yongeye kwinjirana umupira mu rubuga rw’amahina rwa Etincelles FC, maze ba myugariro baramukurura umusifuzi aba atanze Penaliti. Ku munota wa 9 ni bwo Cheik Djibril Ouattra yateye neza Penaliti ya APR FC maze aba afunguye amazamu.
Ku munota wa mbere w’inyongera muri itatu yongerewe ku gice cya mbere, Umunya-Burkina Faso, Cheikh Djibril Ouattara yatsinze igitego cya kabiri cye yuzuza ibitego bye birindwi muri Shampiyona. Igice cya mbere kirangira ari ibitego 2-0.
Ku munota wa 49, Nsabimana Hussein yishyuriye Etincelles FC igitego cya mbere, Ishimwe Djabilu winjiye mu kibuga asimbuye yishyuriye Etincelles FC igitego cya kabiri ku munota wa 78, ku burangare bwa ba myugariro ba APR FC, biba ibitego 2-2.
Umukino warangiye Ikipe y’Ingabo z’Igihugu iguye miswi na Etincelles FC ibitego 2-2, bituma itakaza umwanya wa mbere wari uriho Rayon Sports kuva itsinze Muhazi United ibitego 2-0 ikuzuza amanota 50, mu gihe APR FC yujuje 49.
