APR FC yatsinze US Monastir (1-0)

APR FC, ikipe y’ingabo z’igihugu, kuri uyu wa 10 Nzeri 2022, yatsinze US Monastir igitego kimwe ku busa (1-0), mu mukino wa mbere wa CAF champions League. Umukino wabereye kuri Stade mpuzamahanga ya Huye.

Igitego cya APR FC ari na cyo kimwe rukumbi cyabonetse muri uyu mukino, cyatsinzwe na Mugunga Yves ku mupira w’umutwe wari uturutse kwa Nshuti Innocent na we yari yohererejwe na Omborenga Fitina.

Umukino wo kwishyura uzabera muri Tunisia ku itariki 18 Nzeri 2022, mu mpera z’icyumweru gitaha. Ikipe izarokoka hagati ya zombi izahura na Al Ahly Sporting Club yo mu Misiri.

Abakinnyi ba APR FC babanje mu kibuga barimo Ishimwe Pierre, Omborenga Fitina, Niyomugabo Claude, Buregeya Prince, Niyigena Clement, Ruboneka Bosco, Mugisha Bonheur, Ishimwe Christian, Niyibizi Ramadhan, Nshuti Innocent,Mugunga Yves.

Rene Anthere