Connect with us

Hi, what are you looking for?

Amakuru

Gicumbi: Bamwe mu baturage bahamya ko bafite impamvu nyinshi zo gutora Paul Kagame

Munezero Jeanne d’Arc

Bamwe mu bayoboke b’Ishyaka riharanira demokarasi n’Imibereho myiza y’Abaturage _PSD, bavuze ko bafite impamvu nyinshi zo gutora umukandida Paul Kagame watanzwe na FPR Inkotanyi ku mwanya w’Umukuru w’Igihugu, kubera iterambere amaze kugeza ku Banyarwanda, kandi banashimangira ko baterwa ishema n’ishyaka PSD ridahwema kubashishikaraza kumutora.

Ku wa mbere tariki ya 08 Nyakanga 2024, ibikorwa byo kwiyamamaza by’abakandida depite b’ishyaka riharanira demokarasi n’imibereho myiza y’abaturage _PSD, byakomereje mu karere ka Gicumbi, ku kibuga cya Mukono mu murenge wa Bwisige. I Bwisige aho bakiranwe urugwiro rwinshi n’abaturage batari bake aho wabonaga ko bafite ubushake bwo kumva imigabo n’imigambi by’uyu mutwe wa Politiki.

Abaturage bo muri aka karere bavuga ko bishimiye ko iri shyaka babamo ryashyigikiye umukandida Paul Kagame ndetse bagashimangira ko bafite impamvu nyinshi zo ku mutora harimo ibikorwa remezo yabagejejeho ndetse n’umutekano n’ibindi byinshi bitandukanye.

Uwihanganye Alphonse agira ati “Ntacyambuza gutora iri shyaka kuko numvise bafite imigabo n’imibambi myiza kandi yatugira akamaro nk’abaturage. Ikindi kuba baremeye gushyigikira Paul Kagame watugejeje kuri byinshi, na byo biduha icyizere ko nitubatora bazadutumikira. Erega tugomba gufatanya na bo kugira ngo turinde igihugu cyacu aho Perezida Paul Kagame yadukuye turahazi, n’aho igihugu yagikuye turahazi ntitwatuma gisubira inyuma.”

Nyiranzikwesa Josephine na we agira ati “Nishimiye ko bavuze ko bashyigikiye umukandida wacu Paul Kagame kandi banadushishikariza kumutora ndetse tukarinda n’ibyo yatugejejeho kugira ngo igihugu cyacu gikomeze gutera imbere. Rero ntabwo umuntu yaza akugana kandi akubwira icyaguteza imbere cyangwa icyatuma igihugu cyawe kirushaho gutera imbere ngo ureke kumutora. Rwose tuzabatora mufatanye n’umukuru w’igihugu wacu kutugeza ku byiza n’iterambere nk’uko yabidukoreye!”

Dr Vincent Biruta, Perezida wa PSD, agaragaza ko kwifatanya na FPR Inkotanyi atari intege nke ahubwo ari ugukomeza gushyigikira ibyagezweho.

Agira ati “Ni umukandida twizeye tumaze kubona ubushobozi bwe n’ibigwi bye turabizi, amaze kugeza iki guhugu ku ntabwe ishimishije kandi n’amahanga arabyemera; mu byiciro byinshi by’ubuzima bw’igihugu, haba ibirebana n’umutekano, ibirebana na demokarasi ndetse n’ibirebana n’imibereho myiza y’abaturage ibikorwa bye birivugira kandi twese tumwibonamo; ni yo mpamvu ari we twahisemo gushyigikira, tukaba dushishikariza n’Abarwanashyaka bacu kuzamutora ijana ku ijana.”

Akomeza avuga ko ibyo Perezida Kagame yagejeje ku baturage ari byinshi kandi byose ari ukwibukiranya gusa kumuhitamo bivuze ko bashima intera Abanyarwanda bamaze kugeraho. Ati “Ishyaka ryacu riharanira demokarasi n’imibereho myiza y’abaturage PSD, ryiyemeje kumushyigikira no gushyira mu bikorwa gahunda yemereye Abanyarwanda muri iyi myaka itanu iri mbere.”

Iri shyaka riri kwamaza abakandida Depite 59 ndetse rikashyigikira Perezida Paul Kagame ryijeje abaturage batibiriye ibikorwa byo kwamamaza ari benshi cyane ko niritorwa rizakorana n’indi mitwe ya Politiki ndetse n’Umukuru w’igihugu mu guteza imbere umuturage agahora ku isonga.

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities