Connect with us

Hi, what are you looking for?

Amakuru

Huye/Mukura: Gutuzwa heza bigiye kubahindurira ubuzima abarokotse Jenoside yakorewe Abatutsi

Bamwe mu baturage batujwe mu kagari k’Icyeru mu murenge wa Mukura, Akarere ka Huye bishimira ko ubuzima bwabo bugiye guhinduka kuko batujwe mu mutekano.

Ibi aba baturage babitangarije Panorama ubwo yahageraga ku wa 22 Kamena 2022 mu cyumweru cyahariwe umujyanama n’umufatanyabikorwa mu iterambere ry’Akarere ka Huye, aya mazu atahwa ku mugaragaro akanashyikirizwa abazayaturamo.

Umukobwa Providence yavuze ko nyuma yo kurokoka Jenoside yakorewe Abatutsi, kubona inzu bitari byoroshye. Yagiye akodesha ahantu henshi, ari na kure y’imirima ye, ariko ubu ubwo abonye aho kurambika umusaya kandi heza hafi y’imitungo ye, bigiye kumufasha gukora akiteza imbere. 

Agira ati “Kuri ubu nakodeshaga i Tumba. Byamvunaga cyane kuza guhinga hano kuko niho mvuka, niho mfite imirima.”

Yakomeje avuga ko ubu ashyize imbaraga mu guhinga kandi ubwo agiye kubikorera hafi yaho atuye bizamufasha kwiteza imbere.

Nshimiyimana Ismael na we wahawe inzu kuri iyi site, yavuze ko yishimye inzu yahawe kandi bizamufasha kwizigamira no gukora cyane akarushaho gutera imbere, ahereye ku mafaranga yishyuraga ubukode.

Ati “Aho nabaga nahishyuraga ibihumbi 5 by’amafaranga y’u Rwanda. Kuyabona byangoraga nayakoreraga mu biraka ariko ubu ubwo mbonye icumbi ryanjye kandi ryiza, bizamfasha kuzigama ayo nishyuraga, nanarusheho gukora cyane, nkomeze ntere imbere n’abana banjye babeho.” 

Muhongayire Goretti uhagarariye imiryango yatujwe kuri iyi site y’Icyeru yavuze ko izi nzu bubakiwe ari ingirakamaro ariko igikomeye kurusha ibindi ari uko agiye kubabera inkingi yo kwiteza imbere, we na bagenzi bityo iterambere ryabo nk’abarokotse Jenoside rikihuta.

Yakomeje ashyikiriza impano ubuyobozi bw’Akarere ka Huye abatuye muri izi nzu babateguriye kubera umuhate wabo, anasabira umugisha utagabanyije n’uburame Perezida Paul Kagame, kubera ibyiza babonye kuri ubu bakaba bafite aho baba kandi heza.

Umuyobozi w’Inama Njyanama y’Akarere ka Huye, Dr. Nyiramana Aisha, yavuze ko buri mu nyarwanda Leta ihora imuzirikana. Asaba ababonye amacumbi kuzayafata neza ntabe aya meya, ahubwo akaba ayabo kandi bagakora cyane bakiteza imbere, bakagira imibereho myiza kuko aricyo igihugu kibifuriza.

Muri uyu murenge wa Mukura abishoboye barokotse Jenoside yakorewe Abatutsi mu 1994 bubakiwe amacumbi 13 ari mu buryo bwa Two in One (inzu ebyiri muri imwe) aho yatujwemo imiryango 26 imiryango 16 kuri site ya Icyeru na 10 kuri site ya Buvumu, yuzuye atwaye asaga 325,500,000 Frw.

Si muri uyu murenge wa Mukura gusa hatashywe amacumbi kuko no mu murenge wa Ngoma hatashwe hubakiwe imiryango 34 y’abatishoboye barokotse Jenoside yakorewe Abatutsi.

Rukundo Eroge

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.