Connect with us

Hi, what are you looking for?

Amakuru

Rwamagana: IMRO yahuguye Sosiyete sivile ku gukora ubuvugizi buzira guhangana

Rimwe usanga hari aho abaturage bakenera ubuvugizi ku kibazo runaka, bigasaba ko imiryango itari iya Leta ibubakorera ku nzego bwite za Leta. Gusa hari igihe imwe mu miryango ikora ubuvugizi ariko hakazamo guhangana n’inzego za Leta bityo ntibutange umusaruro.

Imiryango itari iya Leta ikorera mu karere ka Rwamagana mu bijyanye n’ubuvugizi, ivuga ko iyo ubuvugizi bukozwe neza nta guhangana hagati yayo n’inzego za Leta, butanga umusaruro n’uwabukorewe akarenganurwa.

Bamwe mu bari mu miryango itari iya Leta ikorera mu karere ka Rwamagana, bavuga ko ibyo bibaho igihe ukora ubuvugizi yagiye kubukora nta makuru ahagihaje afite ku kibazo agiye gukoraho ubwo buvugizi. Gusa ngo amahugurwa bahawe n’umuryango Ihorere munyarwanda (IMRO), hari icyo abunguye ku ngingo yo gukora ubuvugizi kinyamwuga.

Umwe yagize ati Inshingano zacu nkuru harimo no gukora ubuvugizi, kuvugira cyane cyane abari hasi batishoboye tukababera ijwi, numva nungutsemo byinshi kuko nize uburyo bwiza bwo gukora ubuvugizi, ikintu nongeye kumva nubundi nari nsanzwe nzi ariko nongeye kumva kikanshimisha, ni uko ngomba kujya gukora ubuvugizi mfite amakuru ahagije yayandi ari butume uwo nshyiriye icyo kibazo nshobora kumufasha kugikemura aribwumve ko icyo mvuga koko ari ukuri.”

Charlotte Mukandungutse, ni Umukozi wa IMRO ushinzwe ubuvugizi no gukurikirana iby’amategeko. Avuga ko amahugurwa bahaye imiryango itari iya Leta ikorera mu karere ka Rwamagana, ari ukugira ngo bayongerere ubushobozi mu buvugizi ikora maze ibukore buzira guhangana na Leta.

Agira ati “Imiryango itari iya leta yo muri aka karere ka Rwamagana ni ingenzi cyane kuko turafatanya ibyo bitagenda natwe tuba tubiziranyeho nabo, ahubwo tukarora ninde washyizemo imbaraga nke yakihuta gute? Kuba rero banenga igikorwa runaka numva atari ikibazo ahubwo ikibazo cyaba kuki cyagaragaye icyo gikorwa ntigikemuke kandi cyanenzwe.”

Umuryango ihorere Munyarwanda, uvuga ubuvugizi bukozwe neza bugatanga umusaruro bugomba kuba ari ubuvugizi buhuriweho n’imiryango itari iya Leta, Inzego za Leta ndetse n’ab’ikorere, bikamera nk’amashyiga atatu afatanya. Icyo gihe guhangana ntibibaho ahubwo ubuvugizi butanga impinduka nziza kurusha uko bwakorwa nabi bugasenya n’ibyari bigezweho.

Munezero Jeanne d’Arc

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.