Ubushinjacyaha ku rwego rwisumbuye rwa Huye bukurikiranye abahungu babiri bakekwaho kwangiza ibikoresho bitanga amashanyarazi.
Icyaha cyabaye mu ijoro ryo ku wa 21/10/2021 mu mudugudu wa Gasagara, Akagari ka Gasagara, Umurenge wa Gikonko ho mu karere ka Gisagara, ubwo bafunguraga ibyuma biri ku ipiloni itwara umuriro w’amashanyarazi.
Mu ibazwa ryabo, abakekwa bemera icyaha. Bafatanywe ibyuma bipima ibiro 5 bari bamaze gufunguraho, bakaba bagiraga ngo bishyure amafranga 500 bari bahawe n’uwabibatumye.
Icyaha cyo kwangiza ibikoresha bitanga amashanyarazi bakurikiranyweho kiramutse kibahamye yahanishwa igifungo kigera ku myaka 5, hashingiwe ku ngingo ya 10 y’itegeko N° 52/2018 ryo ku wa 13/08/2018 rigenga amashanyarazi mu Rwanda.
Ubwanditsi
