Connect with us

Hi, what are you looking for?

Ubucuruzi

Ibiciro biri ku isoko bishobora gukoma mu nkokora uburyohe bwa Noheli n’Ubunani

Abacuruzi n’abaguzi hirya no hino mu gihugu, baravuga ko iminsi mikuru ya Noheli n’Ubunani ishobora kuzizihizwa mu buryo busanzwe bitewe n’uko basanga ubuzima buhenze cyane muri iyi minsi, bitewe n’izamuka ry’ibiciro ku masoko.

Gusa hari abacuruzi bafite icyezere ko bazabona abaguzi bahagije mu minsi mike isigaye ngo Noheli ibe, ndetse n’Ubunani.

Harabura iminsi ibarirwa ku ntoki kugira ngo hizihizwe umunsi mukuru wa Noheli, ukurikirwa no kwizihiza intangiriro z’umwaka mushya.

Mu masoko anyuranye mu Mujyi wa Kigali ubusanzwe mbere gato y’uko iminsi mikuru igera, wasangaga hari urujya n’uruza rw’abaguzi ariko siko bimeze nk’uko abacuruzi babivuga.

Abanira na RBA dukesha iyi nkuru, Mukanizeyimana Gaudiose ucuruza mu gace ka Kimisagara yagize ati “Kera habagaho noheli ishyushye ariko uyu munsi ntibigishyuha nka kera.’’

Mukabalisa Stella we yagize ati “Iyi minsi mikuru amafaranga yarabuze, nta na kimwe kidahenze usibye ibitunguru.’’

Usibye kuba ibiciro by’ibintu bikenerwa na benshi byaratumbagiye muri uyu mwaka, abaturage banavuga ko hari bamwe bahitamo kutishimisha kuko iminsi mikuru ikurikirwa n’itangira ry’amashuri, bigatuma bahaha bike, bigatuma iyi minsi mikuru yizihizwa ku buryo busanzwe.

Nubwo ibiciro biriho ubu bimaze kumenyerwa kuko bisanzwe byariyongereye guhera mu ntangiriro z’umwaka wa 2022 kubera ahanini ingaruka z’intambara ya Ukraine n’u Burusiya ndetse n’ingaruka zituruka ku cyorezo cya COVID-19, hari bamwe mu bacuruzi bagifite icyizere ko mu minsi mike isigaye ngo Noheri ibe bashobora kubona icyashara.

Ndahiriwe Jean Bosco umucuruzi muri Nyarugenge yagize ati “Icyizere turagifite ko abakiriya bagomba kuboneka kuko ubusanzwe muri weekend abakiriya baraboneka kandi azaba ari weekend ari na noheli, dufite icyizere kuko kirarema kandi abantu ntibizera kimwe.”

Umunyamabanga uhoraho muri Ministeri y’Ubucuruzi n’inganda, Richard Niwenshuti asaba abacuruzi kutazamura ibiciro cyane cyane muri iki gihe cy’iminsi mikuru kuko bihungabanya ubucuruzi.

Inzego zifite aho zihuriye n’ubukungu zisaba abaturage kwitwararika by’umwihariko mu gihe ibiciro bizamutse bagahaha gusa ibikenewe kandi bakirinda gusesagura.

Panorama

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.