Connect with us

Hi, what are you looking for?

Ubuhinzi

Abahinzi n’abashoye imari muri Chia Seeds barishyuza asaga miliyari 27

Abahinzi n’abashoye imari mu gihingwa cya Chia Seeds basaga 3000 bahangayikishijwe n’amafaranga asaga miliyari 27 by’umusaruro wabo batanze hakaba hashize umwaka batarishyurwa, bamwe amabanki agiye guteza cyamunara imitungo yabo.

Nk’uko tubikesha RBA, bamwe mu bishyuza aya mafaranga ni abahinzi batanze umusaruro w’igihingwa cya Chia Seeds ndetse n’abashoyemo imari kugira ngo kompanyi ya Akenes and Kernels ibahingire bajye bahabwa inyungu.

Abahinzi bavuga ko hashize umwaka bari mu gihirahiro kuko umusaruro batanze batawishyuwe abandi umusaruro uracyari mu ngo zabo.

Batangira guhinga iki gihingwa cya Chia Seeds hari mu mwaka wa 2019, aho kompanyi ya Akenes and Kernels Ltd yabahaga imbuto bagahinga ndetse umusaruro babonye iyi kompanyi ikabishyura amafaranga 3000 ku kilo.

Uretse abahinzi, hari n’abandi baturage barenga 1000 bagiranye amasezerano na Akenes and Kernels bemeranya ko bayiha amafaranga ikazajya ibahingira, ikazajya ibungukira. Gusa bikarangira nta nyungu babonye, ndetse n’amafaranga bashoye batayasubijwe. Ibi byiciro byombi birishyuza iyi kompanyi asaga miliyari 27z’amafaranga y’u Rwanda.

Umuyobozi wa Komite y’abahinzi ba Chia Seeds mu Rwanda Nsengiyumva Emmy avuga ko hari n’abari guterezwa cyamu m nara kubera imyenda bafashe mu mabanki.

Yagize ati “Umusaruro uri mu baturage ari na cyo kiduhangayikishije byateye ikibazo cy’inzara ugera kuri toni 675, ukiri mu gasozi ukaba ukeneye kuvayo,ariko hari uwagemuwe muri season A,B ukiri mu masitoke, ubu hari toni 1800 hari uzajya ku masoko ya organique  turi kugurisha kuri make  toni 800 uramutse uguzwe twakuramo miliyari 4. Ikiduhangayikishije rero ni umusaruro w’abaturage n’amadeni abantu bari kwishyuzwa,hakaba harimo na cyamunara kandi amafaranga yabo Akenes And Kernels yakabaye iyabaha.”

Mu bihe bitandukanye inzego za Leta zahuje iyi kompanyi n’abahinzi, bagirana ibiganiro ariko nta musaruro byatanze ku bijyanye no kwishyurwa.

Inzego z’ibanze mu turere duhingwamo Chia Seeds by’umwihariko mu Ntara y’Iburasirazuba zagerageje gufasha aba bahinzi ngo bishyurwe ariko byarananiranye.

RBA ivuga ko yagerageje gushaka ubuyobozi bwa kompani ya Akenes and Kernels Ltd bwatangaga imbuto ya Chia Seed ndetse bukanagura umusaruro w’aba baturage ari na bwo butungwa agatoki guhombya abahinzi ariko ntitwabubona.

Iki kibazo cyatumye Guverinoma y’u Rwanda ishyiraho itsinda rigizwe na minisiteri 5 ngo zicukumbure imiterere yacyo n’icyakorwa ngo gikemuke, harimo Ministeri y’Ubuhinzi n’Ubworozi, Ministeri y’ubucuruzi n’inganda, Minisiteri y’ubutegetsi bw’igihugu, Minisiteri y’imari n’igenamigambi na Minisiteri y’Ubutabera.

Minisitiri w’Intebe Dr Edouard Ngirente aherutse kubwira abagize Inteko Ishinga Amategeko, ko gushyiraho itsinda ryihariye ryo gucukumbura imiterere yacyo, ari intambwe iganisha gushakira umuti ikibazo cy’igihombo ku bahinzi ba chia seed n’abandi bahsoye imari muri iki gihingwa.

Panorama

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.