Connect with us

Hi, what are you looking for?

Amakuru

Karongi: Birengagije amahirwe ari mu Musaho bahamba amamiliyari i Ruganda ya Bwishyura

Abazi amateka y’icyahoze ari komini Mabanza bazi neza ahantu hitwa mu Musaho, ni ho hahoze icyambu cy’Abadage mu ntambara ya kabiri y’Isi. Aha kandi ni ho hari icyambu cyakiraga ibintu bivuye muri Congo (Kongo). Amateka avuga ko umuhanda wa mbere mu Rwanda waciyemo imodoka ari uwo mu Musaho. Ubu uwo muhanda warahinzwe. 

Umwe mu basaza twaganiriye bavuga ko iyo modoka yambukiye mu Kivu, ibona kugera i Rwanda, ifata umuhanda Musaho – Rubengera irakomeza. Iy’amapine ane iba irawufashe. Aha kandi haracyari ibisigazwa by’inzu Abadage bari batuyemo ariko zangiritse.

Uwitwa Kamanzi yagize ati “bakivuga iby’isoko ryambukiranya, benshi batanze ibitekerezo ko iki cyambu cyavugururwa, cyane ko gifite ayo mateka kuva kera, kandi hakiri ibikorwa remezo bitari guhenda kubisana; bavunira ibiti mu matwi. Barijyana mu Bwishyura ritwara hafi miliyari esheshatu ariko izo nzu zabaye amatongo zitarabona uzi koreramo, kuko zubatse kure y’Umujyi kandi himwe abantu. Akomeza agira ati “ntago rero isoko abantu barisanga rirabasanga. Kubaka hariya ni igihombo ku gihugu, ariya mazu yatangiye gusenyuka ataranakorerwa.”

Ku wa gatanu tariki ya 15 Nyakanga 2022, twasuye aha i Ruganda dusanga usibye amatungo agurwa ku wa gatanu gusa, nabwo ntaduka rikora, nyamara hashize imyaka n’imyaniko ryuzuye.

Ntakirutimana Innocent utuye mu kagari ka Gasura yabwiye Panorama ko we abona aha isoko ridashoboka, ahubwo hakwiye kuba hoteli. Ati “ubuse wimuye abantu uzanye isoko urishyiriye nde ? Ubuse nzava mu mujyi nze nkore ibirometero bine nje kugura umuceri? Kuva mu mujyi uza aha, ni amafaranga magana arindwi. Urumva wata ayo mafaranga uje kugura ikilo kimwe? Mu mujyi urahari, habayeho igenamigambi ribi.”

Ubwo ubuyobozi bw’Akarere ka Karongi bwasurwaga na Minisitiri w’ubucuruzi n’inganda, bwavuze ko hagiye gufatwa ingamba z’uko bakorana n’abafite inganda i Kigali nk’iz’amabati, ibikoresho bya pulasitiki n’ibindi, aho hantu hakabyazwa umusaruro. Ibi minisitiri yarabyishimye ariko byarangiriye aho.

Ibyo kwishyuza abahafashe ibyumba no kubasinyisha ku ngufu amasezerano, amakuru Panorama ifite ni uko haje Property Manager maze akababwira ko abahaye amezi abiri batishyura nyuma bakajya bishyura. Ariko ntacyakozwe kuko babonaga nta nyungu babonamo kandi n’ababihatira bazi neza amakosa yakozwe.

Haje igitekerezo cyo kujya gusura abikorera bo ku Ijwi baza guhaha amatungo, icyo gihe Abimana Mathias uhagarariye PSF yasobanuriye Minisitiri ko abo ku Ijwi babyakiriye neza.  Ati “ni igitekerezo bakiriye neza, batubwiye ko hari byinshi badukeneyeho kugeza no ku mibyare y’insina. Hari igitekerezo ko aho gutwara amatungo bajya batwara inyama zibaze, ibi na byo Minisitiri w’ubucuruzi n’inganda yarabishimye ariko birangira aho, imyaka irihiritse ntagikorwa.”

Twigarukire mu Musaho wa Rubengera. Usibye no kuba ari ahantu hahoze ubucuruzi n’icyambu ku bw’Abadage, habereye n’ubukerarugendo, kuko usanga imiseke myiza iri mu Kivu rwagati, imikindo n’urusobe rw’inyoni ziguruka mu kirere. Uzahagere kandi usobanukirwe iby’ubwato bw’Abadage butabye mu Kivu bivugwa ko bwatabwe mu 1945 ubwo Abadage batsindwaga intambara ya kabiri y’Isi. Bivugwa ko basizemo intwaro zabo cyangwa ubundi butunzi.

Ngoboka Sylvain

Umuhanda wa mbere wanyuzemo imodoka mu Rwanda (Ifoto/Ngoboka S.)
Click to comment

Leave a Reply

Your email address will not be published.

Izindi wakunda

Ibitekerezo

Padiri Dr Laurent Rutinduka yasubije Bwana Rutayisire Boniface wanditse ibitekerezo bye anenga imikorere y’amatorero n’amadini mu guteza imbere abaturage. Nubwo Padiri Rutinduka yashimye ibitekerezo...

Amakuru

Abasenateri bavuze ko itegeko rigenga imicungire y’imari n’umutungo by’igihugu, ari kimwe mu byarinda ibihombo bituruka ku micungire mibi y’imari ya Leta no kugaruza amafaranga...

Ibitekerezo

Iyo ubajije umurongo w’amadini n’abasenga impamvu igihe kinini ataba aricyo bagenera guteza imbere abaturage no kubigisha kwiteza imbere babura igisubizo, bagahita basimbukira ku ntambwe yindi...

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.