Connect with us

Hi, what are you looking for?

Amakuru

Mugombwa: Intumwa z’ibihugu bitandukanye zasuye impunzi z’Abanyekongo

Minisitiri wa MIDIMAR, Seraphine Mukantabana, Guverineri w’Intara y’Abamajyepfo, Bwana Munyentwali Alphonse n’Uhagarariye UNHCR mu Rwanda, Dr. Saber Azam bafatanya n’impunzi kubaka inzu mu nkambi ya Mugombwa. (Photo/Courtesy)

Mugombwa, Gisagara: Abaharagariye ibihugu byabo mu Rwanda, birimo Ubwongereza, Ubuyapani, Ububiligi, Ubuholandi, Misiri, Leta Zunze Ubumwe za Amerika, hamwe n’abari bahagarariye ambasade za Koreya n’Ubudage, baherekeje Umuyozi wa w’Ishami ry’Ishami ry’Umuryango w’Abibumbye wita ku Mpunzi (UNHCR) Saber Azam hamwe na Minisitiri wa MIDIMAR, Madamu Mukantabana Seraphine, ubwo basuraga inkambi y’impunzi ya Mugombwa [icumbikiye abanyekongo basaga 9000] tariki ya 22 Nzeli 2016.

Izi ntumwa zafatanyije n’impunzi imirimo yo kubaka imwe mu mazu yo guturamo, ndetse banatera ibiti muri iyo nkambi ya Mugombwa. Banaboneyeho umwanya wo wo kuganira n’izi mpunzi zaturutse muri Burasirazuba bwa Kongo mu myaka ya 2012 na 2013.

Kimwe mu bibazo byagaragaye nk’ibyugarije impunzi ziri mu nkambi ya Mugombwa ni nyuma y’imyaka itatu iyi nkambi ibayeho, zimwe mu mpunzi zigifite imiryango iba mu mashitingi ahurirwamo n’imiryango myinshi kandi akaba agaragara nk’ashaje [hangars]. Ibi bikaba byatera abayibamo indwara zitandukanye ndetse bikanongera umwanda. Kuri iki kibazo Ubuyobozi bwa UNHCR ndetse na MIDIMAR bukaba bwaravize ko bugiye kugikemura byihutirwa.

Uru rugendo rwakozwe nyuma y’Inteko Rusange y’Umuryango w’Abibumbye yateranye kugira ngo higwe ku Kibazo cy’Impunzi n’Abimukira (UN General Assembly Summit for Refugees and Migrants) yabaye kuwa 19/09/2016, ndetse na nyuma y’aho Leta yu Rwanda yatangaje ko ifite gahunda yo kubungabuga imibereho y’impunzi zicumbikiwe mu Rwanda; aho rwari rwitabiriye inama y’Abayobozi yateguwe na Perezida Barack Obama igamije kwiga ku kibazo cy’impunzi cyugarije isi [President Barack Obama’s Leaders’ Summit on the Global Refugee Crisis], tariki ya 20 Nzeli, 2016.

Muri iyi nama yateguwe na Perezida Obama – hari hatumiwemo ibihugu bigaragaza umuhati mu kwita ku mpunzi – U   Rwanda rwavuze ko rufite gahunda yo gushyigika iterambere ry’imibereho y’impunzi, ruzifasha kuba zabasha kwishyira zikizana mu bandi baturage ndetse hakabaho ubutwererane ku mpande zombi. Zimwe muri gahunda zatangajwe harimo gushyira abana b’impunzi mu mashuri ya Leta bakigana n’abana b’Abanyarwanda kuva mu mashuri y’incuke kugera mu yisumbuye, ndetse no gushyigikira impunzi kwigira no kugira uruhare mu mibereho yazo binyuze muri gahunda ya UNHCR na MIDIMAR igamije gufasha impunzi kwigira.

Leta y’u Rwanda kandi yiyemeje guha buri mpunzi yose iri mu Rwanda ikarita iyiranga, kandi impunzi zibarizwa mu mijyi [zitaba mu nkambi] zikaba zigiye guhabwa uburenganzira ku kugira ubwisungane mu kwivuza nk’abandi banyarwanda bose. Uhagariye UNHCR mu Rwanda Saber Azam akaba yarashimiye Leta y’u Rwanda kuri gahunda yayo yo gufasha impunzi, ndetse anayizeza imikoranire myiza hagati yayo na UNHCR ahagarariye.

Yagize ati “Gahunda za Leta y’u Rwanda mu gushakira impunzi ibisubizo zitwereka ko impunzi zigiye zitaweho muri Africa ndetse no ku isi yose. Izi gahunda zikurikije inshingano n’ibikorwa bya UNHCR muri gahunda yayo yo gufasha impunzi kudahora ziteze amaboko ahubwo zikaba zakwinjizwa muri gahunda y’igihugu, zigatanga umusanzu mu kwizamura, zinateza imbere igihugu cyazakiriye.”

Ku bufatanye na MIDIMAR, UNHCR ishinzwe kwita ku mpunzi aho itanga ibungabunga ubuzima bw’impunzi zisaga ibihumbi ijana na mirongo itandatu na bitanu [165,000] zibarizwa mu nkambi 6 ndetse no mu mijyi itandukanye mu Rwanda. UNHCR ifasha kandi ibihumbi n’ibihumbi by’abanyarwanda bifuza gutahuka, aho muri uyu mwaka wa 2016, abasaga 3,500 bamaze gutahuka.

Mu nkambi zitandukanye mu gihugu, UNHCR ikorana n’Ishami ry’Umuryango w’Abibumbye ryita ku Biribwa [World Food Program], rigenera impunzi ibyo kurya. Muri uyu mwaka UNHCR, ifatanyije na WFP ikomeje guteza imbere gahunda yo guha abantu amafaranga aho kubaha ibyo kurya. Ibi bizafasha impunzi kwimenyereza umuco wo kugenga imibereho yazo kurusha kuba zategereza guhabwa ibyo kurya gusa, bikazazifasha kwigira ndetse no kwiteza imbere, banazamura urwego rw’imirire mu miryango yabo.

U Rwanda ruri mu bihugu 50 byitabiriye inama y’Abayobozi yateguwe na Perezida Barack Obama igamije kwiga ku kibazo cy’impunzi kuri ubu cyugarije Isi, icyenda gusa akaba ari byo byari bihagariye umugabane wa Afurika.

Eugene Sibomana

UNHCR – Kigali

Amahema abamo imiryango myinshi y’impunzi arashaje, UNHCR iratabaza ngo hongerwe ubuso bw’inkambi izi impunzi zubakirwe. (Photo/Courtesy)

Amahema abamo imiryango myinshi y’impunzi arashaje, UNHCR iratabaza ngo hongerwe ubuso bw’inkambi izi impunzi zubakirwe. (Photo/Courtesy)

Isoko ry’impunzi z’abanyekongo ziba mu nkambi ya Mugombwa mu karere ka Gisagara.(Photo/Courtesy)

Isoko ry’impunzi z’abanyekongo ziba mu nkambi ya Mugombwa mu karere ka Gisagara.(Photo/Courtesy)

 

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities