Al Ahly yo mu Misiri yaraye ibujije Police VC amahirwe yo gutwara igikombe cya Shampiyona nyafurika ya Volley mu mukino wa nyuma waraye ubereye muri BK Arena.
Cyari igikombe cya Shampiyona nyafurika ya 17 y’amakipe yabaye aya mbere iwayo, yari imaze hafi ibyumweru bibiri ikinirwa i Kigali.
Police FC yatsinzwe amaseti yose.
Al Ahly yatsinze Polisi amaseti yose kuko iya mbere yayitsinze ku manota 25 kuri 20, iya kabiri iyitsinda ku manota 25 kuri 21 naho iya gatatu iyitsinda ku manota 25 kuri 22.
Umukinnyi ukomoka muri Cuba witwa Masso Alvarezi niwe wabaye umukinnyi w’umunsi nyuma yo gutsinda amanita 13 wenyine.
Minisitiri wa Siporo Nelly Mukazayire niwe wagejeje igikombe ku bakinnyi ba Al Ahly, iyi ikaba ari yo kipe ya mbere ikomeye muri Volley kurusha izindi muri Afurika.
Ikipe ya volleyball ya Al Ahly SC Volleyball Team ni imwe mu makipe akomeye cyane muri Afurika, cyane cyane mu gihugu cya Misiri.
Iyi kipe ni ishami rya club nini cyane yitwa Al Ahly SC, yashinzwe mu 1907 i Cairo.
Ishami rya volleyball ryatangiye mu kinyejana cya 20 hagati (1950–1960), igihe uyu mukino watangiraga kwamamara muri Misiri.
Al Ahly yahise iba imwe mu makipe ya mbere akomeye muri volleyball muri Misiri no muri Afurika.
Yubatse izina rikomeye kubera gutwara ibikombe byinshi byo mu gihugu, ikagira kugira abakinnyi bakomeye n’ishuri ryiza ryigisha abana gukina volley bakiri bato, bakabikurana.
Nk’uko imibare ibigaragaza, iyi kipe imaze gutwara shampiyona ya volley mu Misiri inshuro 36, ikaba yaranatwaye igikombe cy’igihugu bita Egypt Cup inshuro 24 ndetse n’igikombe kuruta ibindi bita Super Cup ikaba yaragitwaye inshuro eshatu yikurikiranya ni ukuvuga hagati ya 2023 kugeza 2026.
Bivuze ko ari yo kipe ifite ibikombe byinshi mu Misiri muri uwo mukino.
Zamalek niyo kipe bajya bagwa miswi kuko niyo ikomeye kurusha izindi zisigaye muri kiriya gihugu.
Impamvu Al Ahly ikomeye ni uburambe n’amateka maremare, abakinnyi bafite ubuhanga, imyitozo n’imiyoborere myiza kandi igahorana intsinzi.
