Connect with us

Hi, what are you looking for?

Amakuru

Senegal: Abanyamuryango ba FPR-Inkotanyi bizihije isabukuru y’imyaka 35 y’Umuryango (Amafoto)

Ku wa 14 Mutarama 2023, mu irori byo kwizihiza isabukuru y’imyaka 35 Umuryango umaze utangijwe, Abanyamuryango ba RPF-Inkotanyi batuye muri Senegal biyemeje kongera imbaraga z’umuryango no gutegura umwiherero w’Abanyamuryango.

Perezida w’Umuryango FPR-Inkotanyi muri Senegal, Dr Philonilla Uwamaliya Thiam, mu butumwa bwe yagaragaje ko mbere ya 1994, Umuryango wibanze ku kugaragaza ikibazo cy’ubuyobozi bubi bwari mu Rwanda, bwari bwarahejeje bamwe ishyanga, abari mu Rwanda na bo batagira uburenganzira mu Gihugu cyabo. Kugira ngo abanyarwanda bari hanze ndetse n’abari mu gihugu basubirane uburenganzira bwabo, hatangijwe urugamba rwo kubohora igihugu.

Ati “Abanyamuryango bagize uruhare mu gushaka inkunga y’urugamba rwo kubohora u Rwanda rwatangijwe na FPR-Inkotanyi mu 1990. Nyuma y’ihagarikwa rya Jenoside yakorewe Abatutsi mu 1994 no kubohora Igihugu, Abanyamuryango ba FPR-Inkotanyi muri Senegal bagize uruhare mu gushyigikira gahunda za Leta y’Ubumwe bw’Abanyarwanda, harimo gushishikariza Abanyarwanda gukunda igihugu no kugira ubumwe, banatanga inkunga muri gahunda zinyuranye zirimo Bye Bye Nyakatsi, One Dollar Campaign, gushyigikira Ikigega Agaciro- Development Fund n’izindi.”

Akomeza asaba Abanyamuryango ba FPR-Inkotanyi gukomeza gushyigikira gahunda zose z’Igihugu cyabo, kandi bisaba gukorana umwete. Ati “Turateganya gusimbura bamwe mu bagize Komite Nyobozi y’Umuryango, kuko hari bamwe mu bayigize bimukiye ahandi. Turateganya kandi gukomeza kongera abanyamuryango no gutegura umwiherero w’Abanyamuryango.”

Bwana Primien Hagenimana, umwe mu rubyiruko rw’Umuryango FPR-Inkotanyi mu kiganiro yatanze yagarutse ku ruhare rw’urubyiruko mu guteza imbere u Rwanda. Agira ati “Urubyiruko rw’u Rwanda rwahawe amahirwe menshi n’Umuryango FPR-Inkotanyi n’ubuyobozi bw’u Rwanda arimo kwiga, kubona akazi, gufashwa kwikorera imishinga iruteza imbere…”

Akomeza agira ati “Kuba benshi mu rubyiruko rw’u Rwanda baravukiye bakanakurira muri politiki nziza y’Umuryango FPR-Inkotanyi, bituma gahunda z’igihugu bazigira izabo, bitandukanye n’ababyeyi na bakuru babo bavukiye bakanakurira mu gihe cy’ubuyobozi bubi, bwari bwarimitse ivangura no gucamo Abanyarwanda ibice.  Rubyiruko dukorere hamwe dukomeza gukomeza gushyigikira gahunda za Leta.”

Ambasaderi w’u Rwanda muri Senegal, Jean Pierre Karabaranga, agaragaza impamvu Umuryango FPR-Inkotanyi wavutse ko byaturutse ku bibazo by’imiyoborere mibi yaranze u Rwanda, aho ubuyobozi bubi bwari bwarimitse ivangura n’amakubiri, guheza bamwe mu Banyarwanda, ubukene bukabije n’imibereho mibi muri rusange. Avuga ko ubuyobozi bw’Umuryango FPR-Inkotanyi bushyira umuturage ku isonga.

Ati “Ubuyobozi bw’Umuryango FPR-Inkotanyi bushingiye ku ntego icyenda arizo Ubumwe bw’Abanyarwanda, Demokarasi, Ububanyi n’Amahanga, Ubusugire bw’Igihugu n’Umutekano, kurwanya ruswa, Imibereho myiza, Ubukungu, guca ubuhunzi no kurwanya ingengabitekerezo ya Jenoside.”

Akomeza agira ati “Turashimira rero Abanyamuryango uruhare rwanyu mu ishyirwa mu bikorwa ry’izo ntego. Turabashishikariza kandi gukomeza umurego mu gushyigikira gahunda za Leta, mukomeza guharanira icyateza imbere igihugu cyacu; mukanafatanya kurwanya abagambiriye gusenya ibyagezweho barimo abahakana bakanapfobya Jenoside yakorewe Abatutsi mu Rwanda mu 1994.”

Abanyamuryango ba FPR-Inkotanyi batanze ubuhamya ku byiza Umuryango wagejeje ku Banyarwanda muri rusange, banahiga gukomeza gushyigikira izo ntego. Ibiganiro byasojwe no gusabana kw’Abanyamuryango bizihiza Isabukuru y’Imyaka 35 y’Umuryango FPR-Inkotanyi. Ibirori byo kwizihiza isabukuru byabereye kuri Place du Souvenir Africain mu Mujyi wa Dakar.  

Umusomyi wa Panorama i Dakar

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.