Mu nama y’Umuryango wa Afurika Yunze Ubumwe yo ku wa 15 Nzeri 2020, yabaye hifashishijwe ikoranabuhanga, yahuje abahanga n’inzobere mu by’indimi n’umuco, yanzuye ko kurwanya COVID-19 bikwiye gushingira ku rurimi n’umuco by’abenegihugu.
Abitabiriye iyi nama bavuye mu mpande zose za Afurika ziyobowe na Komiseri ushinzwe mu imibereho myiza muri uwo muryango ugizwe n’ibihugu byose bya Afurika, Madamu Ambasaderi Amira Elfadil Mohammed Elfadil.
Muri iyo nama abatanze ibiganiro bahagarariye uturere dutandukanye twa Afurika barimo na Prof. Pacifique Malonga wahagarariye u Rwanda n’Akarere k’ibihugu bya Afurika y’Iburasirazuba. Basesenguye uruhare rw’indimi gakondo n’umuco nyafurika, nuko byafasha mukurwanya icyorezo cya COVID-19.
Bashimangiye ko mukwigisha kwirinda icyo cyorezo no kukirwanya, abanyafurika bagomba gusobanukirwa neza mu ndimi zabo gakondo bumva neza no gushingira ku mico yabo ngo basobanukirwe neza.
Hibanzwe kandi mu kwerekana uruhare n’ubwisanzure mu gutanga ibitekerezo mu iterambere nyaryo rishingiye ku muturage mu muco we n’ururimi rwe. Ibi bikagaragarira mu guhuza imbaraga, ubupfura , ubunyangamugayo mu bikorwa by’iterambere riranbye. Ibi bikaba indangamuntu n’ishema rya buri wese mu gihugu cye.
Panorama
