Panorama
Inama Njyanama y’Akarere ka Rulindo yatanze ibihembo ku baturage ndetse n’abayobozi bitwaye neza mu kwitabira isuku kurusha abandi, mu rwego rwo kurandura ibibangamiye imibereho myiza y’abaturage.
Nk’uko RBA dukesha iyi nkuru ibitangaza, Umurenge wa Tumba ni wo wegukanye igikombe cy’Amarushanwa y’isuku n’isukura yateguwe n’Inama Njyanama y’Akarere ka Rulindo, mu cyumweru cy’umujyanama, cyatangijwe tariki 16 Mata 2025, ku nsanganyamatsiko igira iti “Serivisi inoze muri Rulindo ikeye”.
Ni ibihembo byatanzwe n’abayobozi barangajwe imbere na Guverineri w’Intara y’Amajyaruguru, Mugabowagahunde Maurice, washimye abajyanama bateguye aya marushanwa, abasaba kugeza ukuboko kwabo no mu bindi bitarakemuka.
Inama njyanama y’Akarere ka Rulindo yari imaze iminsi ifatanya n’abaturage mu bikorwa byo kwimakaza isuku kugeza ubwo ishyizeho n’amarushanwa y’ayo
Muri aya marushanwa y’isuku, Inama Njyanama yahembye Abaturage 17 bahize abandi mu karere kose buri wese ahabwa matelas,imidugudu 2 na yo uwa Busizi wo mu murenge wa Ngoma n’uwa Ndorandi wo muri Kinihira ihabwa buri umwe telefone igezweho n’icyemezo cy’uko yahize abandi.
