Minisiteri y’Ubuzima, ibinyujije mu Kigo cy’Igihugu cy’Ubuzima (RBC), yamuritse imashini nshya zirindwi zipima amaraso (blood culture machines) zizakoreshwa muri za laboratwari zo mu bitaro by’Intara ngo zisuzume kandi zerekane udukoko two mu maraso y’abarwayi.
Bigamije kongera ubushobozi bwo kwigira, binyuze mu guhugura abajenyeri n’abatekinisiye ba laboratwari ku mikorere yazo no ku gufata neza izi mashini hagamijwe kuramba kwazo no kurushaho kubungabunga ubuzima bw’abaturage.
Umuyobozi w’Ishami rya Serivisi z’Ibikoresho by’Ubuvuzi muri RBC (Biomedical Services Department), Dr. Mukagatare Isabelle, yashimangiye ko “izi mashini zikoresha ikoranabuhanga ryikoresha (automated machines), zashyizwe hirya no hino mu Ntara harimo n’amavuriro atanu yo ku rwego rwa L2THs, zizafasha kongera ubushobozi bwa laboratwari.
Ati: “Zizatuma hamenyekana indwara zo mu maraso vuba kandi neza kurushaho, ndetse zinongerere imbaraga gahunda y’u Rwanda yo kugenzura no kurwanya ubudahangarwa bw’udukoko ku miti (Antimicrobial Resistance – AMR), bityo ubuzima rusange bw’abaturage bukarushaho kurindwa.”
