Connect with us

Hi, what are you looking for?

Abagore

Ba Rwiyemezamirimo b’abagore bishimira agaciro Leta iha umugore

Nyiramongi Odette ni Rwiyemezamirimo kuri ubu afite hoteli ebyiri ‘Kivu Paradis’ na ‘Kivu Malahide Resort’

Bamwe mu bagore babashije kwihangira imirimo mu bucuruzi n’inganda, bakomeje kwishimira iterambere bamaze ku geraho rikomeye kandi bakishimira n’agaciro Leta y’u Rwanda iha umugore, kuko byabateye gutinyuka bakaba batagitegera abagabo babo amaboko.

Ingabire Marie Ange Claudine, umugore w’imyaka 39 avuga ko nyuma yo kwiga ibirebana n’ubwubatsi ndetse agatangira kubikoramo, mu gihe icyorezo cya COVID-19 cyadukaga, yahanze undi mushinga urebana no kohereza imboga n’imbuto mu mahanga.

Yagize ati “Nabonye ko akazi kabuze na babayende banjye ntakazi bakibonye muri guma mu rugo ya mbere buri wese yaryaga ayo yibitseho nanjye narintangiye kurwego rwo kurya igishoro nagombaga gutekereza cyane ko ntarinzi igihe bizrarangirira aho nzakura igishoro natekereje ku ingendo najyaga nkora hanze, nizo zatumye nkora umushinga wo kohereza imboga n’imbuto mu mahanga”

Yongera ko kuba Pereziida Kagame yagiye abashishikariza kwigira no kwigirira icyizere bibatera kwitinyuka. Avuga ko yatangiye yohereza ibiro 800 none kuri ubu ageze ku rwego rwo kohereza hanze y’u Rwanda toni 20 z’avoka buri cyumweru na toni 5 z’amatunda.

Intego afite ni ukugera ku rwego rwo kohereza hanze  nibura toni 50 z’avoka buri cyumweru, ndetse no gushinga uruganda ruzajya rukora amavuta muri avoka.

Patrick Niyonkuru na Karangwa Roselyne ni bamwe mu bahawe akazi na Ingabire bavuga biteza imbere ndetse n;imiryango yabo.

Niyonkuru ati “Numva nanjye mu mushahara mpembwa nazakoramo bisinesi yanjye nkurikije inama umuyobozi wacu atugira za buri munsi.”

Roselyne nawe ati “akazi tutatekerezaga ko gakorwa muri rusange ariko nabonye ko bishoboka nanjye numva nkomeje ubuhinzi byaba ari akarusho.”

Muri uyu mushinga yise Tropi Rwanda avuga ko akorana n’abahinzi ba avoka 1500, akaba akoresha abakozi 468 barimo abagore 233, yemeza ko agaciro umugore ahabwa mu gihugu ariko kamuteye kwitinyuka.

Imishinga ikorwa n’abagore ikomeje kwiyongera no gutanga akazi ku mubare munini w’abaturage harimo n’abagore.

Nyiramongi Odette ni Rwiyemezamirimo kuri ubu afite hoteli ebyiri ‘Kivu Paradis’ na ‘Kivu Malahide Resort’, nawe yemeza ko abagore bshoboye kandi bakwiye gutinyuka bagakora kandi nawe yabashije gutanga akazi.

Yagize ati “Ahari ntibiba byoroshye ariko na none nta mugore ukwiriye kwicara kuko bituma asuzugurwa kandi nawe afite amaboko yagakoze, akenshi abakiriya nkunze kwakira muri Hoteli yajye ni abanyamahanga kandi ibyo ngaburira abakiriya ndabyihingira mbikura mu mirima yanjye ndetse ni imbuto ndazihingira murumva rero ko ndi n’umuhinzi mworozi.  Iyo ngiye mu mahanga mbashishikariza kuza mu Rwanda ndetse bakanabona ko na bagore dushoboye ibi byose tubikesha igihugu kiza kidaheza umugore.”

Nyiraneza Alphonsine ushinzwe abakozi muri uru ruganda rukora inzoga z’amoko Esperanza anyuranye rwashinzwe n’umugore, avuga ko nk’abagore batanga umusaruro kandi ibyo binjije bikabafasha kwita ku miryango yabo . muri uru ruganda hakora abagore 97 n’abagabo 58.

Diane Mukasahaha ubusanzwe wize ibirebana n’ubuvuzi, amaze imyaka 4 ashinze uruganda rukora imyenda y’ubwoko bunyuranye hagamijwe guteza imbere ibikorerwa imbere mu gihugu.

Mu bakozi akoresha harimo by’umwihariko abagore batinyutse bagakora imwe mu mirimo ubusanzwe yakorwaga n’abagabo.

Mukasahaha ashima Leta y’u Rwanda yashyizeho gahunda yo guteza imbere ibikorerwa imbere mu gihugu, Made in Rwanda kuko byatanze imirimo ku mubare munini w’abaturage.

Kugeza ubu uruganda yashinze rukoresha abantu barenga 150 bakora mu buryo buhoraho n’ abandi 90 bagenda baza uko imirimo yabonetse.

Abahawe akazi mu mishinga yashyizweho n’abagore bavuga ko biteza imbere ndetse bagateza imbere imiryango yabo.

Abagore bakora ibirebana n’ubucuruzi ndetse n’inganda bavuga ko intego bihaye ari ukwagura ibyo bakora ndetse no kubera abandi urugero kugira ngo nabo batinyuke bakorere, bose bahurize hamwe imbaraga mu kwiyubakira igihugu.

Munezero Jeanne d’Arc

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.