Panorama Sports
Umutoza w’Ikipe y’Igihugu y’abagore, André Cassa Mbungo, yahamagaye abakinnyi 29 bagize urutonde rw’agateganyo rwitegura imikino yo gushaka itike y’Imikino Olempike ya Los Angeles 2028. Muri uru rutonde harimo abakinnyi bakina mu makipe yo mu Rwanda, barimo 11 bavuye muri Rayon Sports WFC, umwe ukina muri Espagne n’undi ukina muri Turkey.
Mu izamu, umutoza yahamagaye Ndakimana Angeline Rayon Sports WFC, Mutuyimana Elisabeth (Police WFC), Ramuzi Belise (Mutunda WFC) na Niyirabatoni Diane (Bugesera WFC).
Muri ba myugariro, Cassa Mbungo yahamagaye Uzayisenga Lydia (Rayon Sports WFC), Uwase Andersene (Rayon Sports WFC), Uwimbabazi Immaculée (APR WFC), Mukahirwa Providence (Indahangarwa WFC), Uwihirwe Josiane (Rayon Sports WFC), Mukantaganira Joselyne Rayon Sports WFC), Ihirwe Regine Rayon Sports WFC) na Uwanyirigira Sifa (Rayon Sports WFC).
Mu bakinnyi bo hagati harimo Uwase Mireille (Police WFC), Mutoni Jeannette (APR WFC), Mutuyemariya Florentine (Kigali WFC), Niyonshuti Emerance (Rayon Sports WFC), Dukuzumuremyi Marie Claire (Indahangarwa WFC), Gikundiro Scholastique (Rayon Sports WFC) na Niyomukiza Angélique (Indahangarwa WFC).
Ku ruhande rw’abanyarwanda bakina hanze y’u Rwanda harimo Mukagatere Emeline ukinira EM Femeninas Soliss Fuesalida yo muri Espagne na Usanase Zawadi ukinira Haymana Spor Kulübü yo muri Turukiya.
Abandi bari ku rutonde rw’abasatira izamu ni Umuhoro Angélique (Rayon Sport WFC), Umutesi wase Magnifique (Indahangarwa WFC), Abimana Laurence (APR WFC), Uwitonze Emerance (Indahangarwa WFC), Mukeshimana Dorothée (Rayon Sport WFC), Uwingeneye Grace (Police WFC), Ishimwe Mizero Evelyne (Rayon Sport WFC) na Ishimwe Darlene (Forever Girls WFC).
Uru rutonde rugizwe ahanini n’abakinnyi bo mu makipe yo mu Rwanda, aho Rayon Sport WFC ifite umubare munini (11) w’abahamagwe, ikurikirwa n’amakipe nka Indahangarwa WFC (5), APR WFC (3) na Police WFC (3).
Cassa Mbungo azakoresha imyitozo yo kugira ngo atoranyemo abakinnyi bazahagararira u Rwanda mu rugendo rwo gushaka itike y’Imikino Olempike ya Los Angeles 2028. Muri iri jonjora rya mbere azakina n’ikipe y’igihugu ya Ethiopia Tariki 7 Ukwakira 2026, Kigali Pele Stadium saa 18:00.
