Kuri uyu wa Gatatu, tariki ya 8 Mutarama 2025, ikipe ya Police FC yatandukanye n’Umutoza wayo mukuru Mashami Vincent wari umaze imyaka ibiri n’igice akorana na yo.
Umwe mu bagize itsinda tekinike rya Police FC, yatangarije Kigali Today dukesha iyi nkuru, ko Mashami Vincent ubwe yamwemereye ko yatandukanye n’iyi kipe.
Mashami Vincent yabaye umutoza wa Police FC mu mpeshyi ya 2022, atangirana n’umwaka w’imikino wa 2022-2023 akaba mu myaka ibiri n’igice agiye ayisigiye iyi kipe ibikombe bitatu birimo icy’Amahoro 2024, Igikombe cy’Intwari ndetse na Super Cup 2024.
Mashami Vincent yari asigaje amezi atandatu ngo asoze amasezerano ye na Police FC.
Panorama
