Umukino w’umupira w’amaguru wahuzaga u Rwanda na Uganda ku Cyumweru tariki 10 Ukwakira 2021, warangiye ikipe y’umupira w’amaguru ya Uganda (Cranes) yongeye gutsinda u Rwanda (Amavubi Stars) igitego kimwe ku busa.
Igitego kimwe rukumbi cyabonetse muri uyu mukino cyatsinzwe na Bayo Fahad ku munota wa 22 w’umukino mu gice cya mbere. Uyu akaba ari na we watsinze igitego cyabonetse mu mukino wa mbere wari wahuje aya makipe i Kigali tariki 07 Ukwakira 2021.
U Rwanda ni urwa nyuma mu itsinda E aho rufite inota rimwe rukaba ruri kumwe na Uganda ya kabiri mu itsinda n’amanota 8. Mali ya mbere ifite amanota 10 na ho Kenya ya gatatu ifite amanota 2. Aya makipe kimwe n’andi atandukanye akaba ari mu mikino yo guhatanira itike y’Igikombe cy’Isi kizabera muri Qatar mu mwaka wa 2022.
Nkubiri B. Robert
