Raoul Nshungu
Uyu munsi, Minisitiri w’Intebe Dr. Ngirente yakiriye Perezida w’Ishyirahamwe Mpuzamahanga ry’Ababaruramari, Bwana Jean Bouquot, hamwe n’itsinda ayoboye.
Bamugejejeho ibyerekeye inama y’Ababaruramari muri Afurika irimo kubera i Kigali, ndetse n’iterambere ry’uyu mwuga ku rwego rw’Isi no mu Gihugu.
Ibiro bya Minisitiri w’intebe byuatangaje ko kuri uyu wa 8 Gicurasi 2025, Dr Edouard Ngirente yakiriye Bwana Jean Bouquot n’itsinda rye bakamubwira ibirebana na Kongere ya 8 y’Afurika y’abacungamari (ACOA) yafunguye i Kigali kuva ku ya 6 kugeza ku ya 9 Gicurasi 2025 i Kigali.
Iyi nama irimo guhuza abayobozi b’imari barenga 2000, abacungamari, abagenamigambi hamwe n’abafata ibyemezo by’ibigo baturutse mu bihugu birenga 65 hamwe n’abaje kumurika ibikorwa n’ibicuruzwa byabo 29 baturutse muri Afurika ndetse no ku isi yose.
