Connect with us

Hi, what are you looking for?

Amakuru

Abaforomo n’ababyaza barasabirwa kuzamurwa mu ntera ku bw’akazi bakoze muri COVID-19 

Imbaraga, ubwitange, kwihangana no gukorana umuhate mu guhangana n’icyorezo cya COVID-19, ni bimwe mu bishingirwaho Abaforomo n’Ababyaza bagasabirwa kuzamurwa mu ntera y’ingazi ntambike (Promotion Horizontale/Horizontal Promotion), bakava ku rwego bariho bakajya ku rwisumbuyeho bitewe n’umurimo bakoze.

Ubwo hizihizwaga Umunsi Umuyobozi mpuzamahanga w’Abaforomo n’Ababyaza ku rwego rw’ibitaro bya Kaminuza bya Butare (CHUB), Umuyobozi wa Sendika y’abaforomo n’ababyaza mu Rwanda (RNMU), Gitembara Andre, yatangaje ko hakurukijwe akazi Abaforomo n’Ababyaza bakoze mu gihe cya COVID-19, babona bakwiye kuzamurwa mu ntera y’ingazi ntambike (Promotion Horizontale/Horizontal Promotion), ndetse RNMU itegura impapuro zibisaba zizashyikirizwa Minisitiri w’intebe.

Gitembagara yagize ati “Mu by’ukuri dukurikije uburambe bw’ibyo twanyuzemo mu bihe bya Guma mu rugo, abantu basigaye mu kazi ni abo mu nzego z’umutekano, iz’ibanze n’iz’ubuzima. Abo mu nzego zindi yenda bo bafite inzego zibavugira na Sitati yihariye ibareba, ariko abakozi bo kwa muganga, by’umwihariko ba bantu bafite ubushobozi buke bwo kugenda, twagize ikibazo cya transport. Gutwara abantu ku buryo bwa rusange byari byaravuyeho nta moto nta modoka, noneho hiyongeraho n’ikibazo cyo kurya ku kazi; kugira ngo uzabone ibyo kurya kuko amaresitora hafi ya yose yari afunze ntibyari byoroshye…”

Akomeza agira ati “…ibyo ni ibibazo twahuye na byo, ariko tukagerageza kujya ku kazi n’amaguru, abandi ntibatahe. Rero ni ibihe bigoye twakoreyemo, ariko twatangajwe no kubona Minisiteri y’abakozi ba Leta n’umurimo ivuga ko abakozi bose bo mu nzego za Leta nta Horizontal Promotion bazabona mu mwaka wa 2020-2021. Twe twumvaga uretse no guhabwa Horizontal Promotion, twanabaye duhabwa n’akandi gahimbazamusyi kandi kihariye…. ibihe nk’ibingibi iyo bije hakagira abajya ku ruhembe, bagakwiye kubihemberwa. Tuzandikira Minisitiri w’intebe tubisaba.”

Gitembagara akomeza avuga ko nk’abaforomo n’ababyaza icyo bishimira ari uko mu Rwanda abaforomo n’ababyaza biyongereye, haba mu bwinshi, mu bumenyi kuko hari n’abafite impamyabushobozi zihanitse nka PhD mu buforomo. Hashyizweho inzego zibashinzwe n’urugaga rukora ubuvugizi.

Bamwe mu baforomo n’ababyaza bo muri CHUB bavuga ko nabo bakurikije akazi bakoze mu bihe bya cOVID-19, kuzamurwa mu ntera y’ingazi ntambike babibonye byaba ari byiza n’ubwo ku bitaro by’ikitegerezo bagerageza kubahemba neza kandi ku gihe, nk’uko Panorama yabitangarijwe na Uwiragiye Sania na Mukamwezi Agnes.

Mukamwezi umaze imyaka 39 mu buforomo yagize ati “Ndishimira aho ngeze, nkunda umwuga wanjye, by’umwihariko iyo mpuye n’umubyeyi akanyereka umwana namubyaje, biranezeza. Ndasaba abakiri bato gukunda umwuga w’ububyaza, bakabigira nk’umuhamagaro, ntibaze mu giforomo gushaka amafaranga gusa.”

Umuyobozi ushinzwe ibikorwa by’ubuvuzi mu bitaro bya Kaminuza bya Butare (CHUB) Dr Ngarambe Christian, yavuze ko uyu munsi w’abaforomo n’ababyaza ari umunsi ukomeye hazirikanwa akazi gakomeye abaforomo n’ababyaza bakora, by’umwihariko muri CHUB. Ashima na Leta ikomeza kongera abaforomo.

Yakomeje avuga ko mu gihe Leta ireberera abakozi bayo ikabona ko bikwiye Promotion horizontale yatangwa, kuko abaforomo n’ababyaza bakoze akazi gakomeye mu bihe bya COVID-19.

Kuri ubu mu Rwanda habarirwa abaforomo n’ababyaza 14,600. Uyu munsi w’abaforomo n’ababyaza wizihijwe muri ibi bitaro ukomatanyijwe, kuko buri munsi ubusanzwe wizihizwa ukwawo aho uw’abaforomo uba ku itariki 10, naho uwo ababyaza ukaba buri mwaka tariki 5 Gicurasi buri mwaka.

Rukundo Eroge

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.