Connect with us

Hi, what are you looking for?

Ubuzima

Bamwe mu bagore bakunze kibasirwa n’indwara y’agahinda gakabije nyuma yo kubyara

Inzobere mu by’ubuzima zivuga ko umubyeyi utwite ari umwe mu bagomba kwitabwaho cyane kugira ngo bimurinde indwara y’agahinda gakabikabije, ishobora kumufata mbere cyangwa nyuma yo kubyara.

Iyi ndwara y’agahinda ababyeyi bakunze kugira nyuma yo kubyara ituruka ku mpamvu nyinshi zitandukanye, zirimo kugira uburibwe bukabije mu gihe abyara, kubyara umwana utagejeje igihe, ndetse n’ amakimbirane mu miryango n’ibindi.
Aganira na RBA dukesha iyi nkuru, Niyonizera Dorcas, umwe mu babyeyi bagize icyo kibazo, avuga ko nyuma yo kubyara umwana we utagejeje igihe cyo kuvuka yaje kwisanga arwaye indwara y’agahinda gakabije.

Yagize ati “Bankoreye cesarienne afite ibyumweru 22, avukana amagarama 800 byari ibintu bigoye… nawe fata umwana w’amagarama 800, kukumvisha ko azakura akaba umwana nk’abandi numvaga ari ibintu bidashoboka.Abaganga nibo bakunda kumbwira ngo nsigaye nseka, kuko muri icyo gihe ntago nasekaga ariko ubu amaze gukura, ni umukobwa ufatika.”
Inzobere mu by’ubuvuzi Dr Karegeya Adolphe avuga ko iki kibazo kitagaragara gusa nyuma yo kubyara ko gishobora no kugaragara igihe umubyeyi atwite.

Ati “Ni indwara ikunze kubaho ku babyeyi bikaba byaragiye bituruka wenda kuri experience yagize cyangwa se ku bibazo baba baragiye bagira mu gihe batwite, kuko byagiye bigaragara ko n’abatwite bashobora kuyigira, atari ukuvuga gusa ko ari nyuma yo kubyara. akaba atishimiye kubyara ariko ugasanga byaraturutse mu rugendo rwe agitwite kubera impinduka nyinshi zishoobora kubaho cyangwa se kubera impamvu zishobora kubitera ziturutse kuri environment arimo haba abaturanyi, umuryango icyo gihe bishobora kumugiraho ingaruka nyuma yo kubyara. Ndetse na cya gihe ari kubyara uburibwe agira bushobora kubitera.”

Iyi nzobere mu kwita ku buzima bw’ababyeyi ikomeza ivuga ko ibi bibazo iyo bidakurikiranwe bishobora kugira ingaruka zikomeye no ku buzima bw’umwana.

Ati “Bishobora kumugiraho ingaruka kuko umwana iyo ari munda ya mama we n’ubundi arishima,arakina n’ibindi byose, ni ukuvuga ngo ibyishimo cyangwa se igihe umubyeyi agize agahinda umwana na we bimugeraho, na nyuma yo kubyara ugasanga atitaye ku mwana kuko ni kimwe mu bimenyetso bigaragaza iyi ndwara bityo bikaba byatera ingaruka kuko usanga atagaburira umwana neza, ntamwonse neza, ibyo bifite ingaruka kuko umwana utariye neza ashobora kugira ibibazo bya malnutrition kandi umwana ufite malnutrition no mu bwonko bwe, n’imikurire ye iba ifite ingaruka nyinshi zikomeye.”

Mu bushakashatsi bwakozwe bugaragaza ko abagore 23% ishobora kubafata batwite, 42% bakayigira nyuma yo kubyara ndetse na hejuru ya 30% bakaba bayigira mu gihe bari kubyara bitewe n’uburibwe bagize.

Munezero Jeanne d’Arc

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.