Connect with us

Hi, what are you looking for?

Ibitekerezo

Padiri Laurent Rutinduka yasubije Rutayisire Boniface wakomoje ku mikorere y’amadini n’amatorero

Padiri Dr Laurent Rutinduka yasubije Bwana Rutayisire Boniface wanditse ibitekerezo bye anenga imikorere y’amatorero n’amadini mu guteza imbere abaturage. Nubwo Padiri Rutinduka yashimye ibitekerezo bya Rutayisire ntiyihanganiye kumusubiza amwereka ko nubwo atanga ibitekerezo ariko atagaragaza icyakorwa kandi ibitekerezo bye bikeneye gushyirwa ku murongo.

Yagize ati «Mwaramutseho. Nasomye ibitekerezo byinshi bya Rutayisire Boniface atugezaho. Namushimye. Akunda u Rwanda. Utamushima ni nde? Aribanda cyane ku madini amatorero…abasenga ni byiza. Ibitekerezo bye ni inyamibwa. Reka ngire icyo musaba:

1. Azatugezeho mu byo avuga yifuza ibikorwa neza ashima mu madini n’amatorero uti ‘ibi bikorwa neza ariko mukosore iki n’iki. Urugero: hari amadini afite ababanke. Bakagira amashyirahamwe y’abakristu cyangwa abakristo we yita abaturage bikaba bibateje imbere. Azadukorere “analyse” abitugaragarize. Ati mukosore aha…cyangwa hariya. Amajyambere yihute.’

2. Azatugaragarize amadini n’amatorero n’abasenga ukuntu batitabira amajyambere y’umukristu bashinzwe. Ati ‘uko mwabikoraga… mubikore mutya. Ubanza hari amakuru adafite.’

3. Afite ibitekerezo byinshi byiza mbona bivangavanze akaba atazi n’imikorere y’amadini n’amatorero. Ese ko kwicuza ibyaha ubikerensa? Wicujije ibyaha byawe ukiyemeza kutazongera ni bibi? Niba wari umusinzi cyangwa wari umusambanyi cyangwa urwana ukabyicuza ikiyemeza kutazongera ni bibi? Ko numvise iyo ngingo Rutayisire atayumva neza!  Cyokora umuntu amwegereye yabasha kubivangura. Aravanga inshingano z’amadini na Politike. Kuko atitonze yavanga inshingano za Leta n’iz’amadini n’amatorero kandi bitandukanye. Hari aho bihurira n’aho bitandukaniye. Umukinnyi wa Basket ball akinisha intoki iyo agiye gukina Foot ball usibye umuzamu iyo awukoze n’intoki barasifura. Cyokora ndamushimira cyane.

4. Nsoze mwibariza

-Ese usibye amashuri n’amavuriro wari uzi ko hari aho mu madini n’amatorero n’abasenga tugira umwanya wo kwigisha “Ejo Heza”?

Ese wari uzi umubare w’abakene dutangira “mutuelle de sante”?

Uzi umubare w’abanyeshuri dutangira minerval?

Wari uzi ko tugira umwanya wo kwigisha Isuku mu ngo?  kurwanya inda ziterwa abana? Kubwiriza buri mugore utwite kujya kwipimisha no kubyarira kwa muganga? Ese wari uzi ko tugira umwanya wo kwita ku mashyirahamwe yo kwiteza imbere bita “ibibina” kuko bivana abakene mu bukene bakabona icyo kurya kandi bakiga  kwizigama?

Ese wari uzi ko amadini amatorero n’abasenga tugira umwanya wo kureba abana bataye ishuri tugafatanya n’umurenge n’utugari kubagarura mu ishuri? Uzi ko amadini amatorero n’abasenga tugira umwanya wo gushaka amafranga yo gushinga “banke” no kubaka Hoteli? Rutayisire aya makuru wari ayazi? None se bikorwa bitashakiwe umwanya? Komeza ubushakashatsi ariko uduhe ingero zifatika z’aho twakosora. Ubutaha kandi ijambo Imana ndavuga Rurema, Rugira, Iyakare ujye uyandika na “i” inyuguti nkuru. Imana. Naho iyo wanditse ngo abasenga “imana” gutya byitwa amahirwe. Urugero: “Nagize imana sinakomereka”. Naho Imana y’i Rwanda yandikwa na “I” inyuguti nkuru. Urakoze.

P. Rutinduka Laurent.»

Kanda aha usome ibitekerezo byatanzwe na Rutayisire Boniface

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.