Connect with us

Hi, what are you looking for?

Ubuzima

Menya ibi bimenyetso bya kanseri hakiri kare

Ku isi hose indwara ya kanseri ikomeje gukaza umurindi, dore ko iri no mu zihangayikishije cyane kuko nko muri Leta zunze ubumwe za Amerika gusa ihitana ubuzima bw’abarenga ibihumbi 600 buri mwaka.

Igisubizo cy’ibanze ni icyo kugira ubushobozi bwo kuvumbura iyi ndwara hakiri kare. Gusa imbogamizi ikomeye ni iy’uko umubare munini w’abatuye isi, batarabasha gucengerwa n’ibimenyetso bishobora kubafasha gutahura niba barototewe n’iyi ndwara itarabonerwa umuti wabasha kuyirandura burundu.

Twifashishije inkuru y’ikinyamakuru igihe.com dore ibimenyetso rusange n’ibikomeye bishobora kugufasha gutahura ko wagezwemo n’indwara ya kanseri n’inama y’icyo wakora nk’uko abaganga babigaragaje.

Inkorora y’igihe kirekire idacika

Umuntu ashobora gufatwa n’inkorora bitewe n’ubukonje cyangwa se bitewe na virusi ariko mu gihe ugize inkorora ukabona uyimaranye igihe kiri hagati y’ibyumweru bibiri na bine, ukwiye kwihutira kwa muganga kuko biba bishoboka cyane ko waba wamaze gufatwa na kanseri y’ibihaha.

Mu bindi bimenyetso byagufasha gutahura ko warwaye kanseri harimo gutakaza ibiro byinshi mu gihe gito kandi mu buryo butunguranye. Ibi abenshi bakunda kubifata nk’ibidakomeye ariko mu gihe ubonye bibaye nta mpamvu kandi ukumva bijyaniranye no kubura ubushake bwo kurya (appétit) ugomba kugana kwa muganga kuko uba ushobora kuba wafashwe na kanseri y’umuhogo, iy’umwijima, kanseri y’urwagashya cyangwa se kanseri y’amara.

Kubabara mu nda hepfo

Kumva umeze nk’uwatumbye mu nda no kugira ububabare mu gice cyo hepfo cy’inda ukabimarana ibyumweru birenga bibiri; ni ibimenyetso by’uko ushobora kuba warafashwe na kanseri y’udusabo tw’intangangore; kumva uhaze cyane nyuma y’akanya gato umaze kurya nacyo n’ikindi kimenyetso cyagufasha gutahura ko iyi ndwara yakugezemo.

Ubu bwoko kwa kanseri bufatwa nk’ubukomeye cyane kandi bubi kuko kubuvumbura hakiri kare bigoye ndetse ugasanga ibimenyetso byayo bya kare ntibikanganye na gato ku buryo abantu banabyirengagiza bakabifata nko kwivumbagatanya k’umubiri gusanzwe.

Imiburu n’utubyimba ku mubiri

Mu gihe utunguwe no kwisanga wazanye imiburu n’uduheri ku mubiri kandi tutakurya cyangwa se wikoze ahantu hatandukanye ku mubiri wawe ugasanga hajemo utuntu tw’utubyimba utari usanganwe, ukwiye kwihutira kwa muganga kuko ari ibimenyetso bishobora kuba ku muntu wagezwemo n’indwara ya kanseri.

Kuva amaraso igihe uri gukoresha ubwiherero

Nubona amaraso mu gihe ukoresheje ubwiherero yaba atukura cyane cyangwa asa n’ayijimye mu mwanda munini cyangwa se ukayabona ku mpapuro z’isuku ukoresheje wisukura, usabwa guhaguruka uhita werekeza kwa muganga, kuko icyo ari ikimenyetso gishobora kukugaragariza ko urwaye kanseri y’amara. Icyo gihe umuganga azihutira kugusuzuma kugira ngo hamenyekane by’ukuri icyateye ibyo bimenyetso.

Kutagira ikimenyetso na kimwe

Kutagira ibimenyetso runaka bishobora kuguhishurira ko urwaye kanseri, ni imwe mu mpamvu zitera benshi gufatwa nayo kuko nta kimenyetso runaka mu byavuzwe haruguru aba agaragaza. Ibi akenshi bituma abantu batazirikana kujya kwisuzumisha indwara ya kanseri mu buryo buhoraho bikaba byatuma banahitanwa nayo bazize uburangare no kwirara.

Abantu bagirwa inama yo kugana abaganga mu buryo buhoraho bakabasuzuma bakanabaha inama zibafasha gukumira no kuba batahura kare kanseri mu gihe yaba yabagezemo.

Turatsinze Elysee

Click to comment

Leave a Reply

Your email address will not be published.

Izindi wakunda

PanoramaTV Rwanda

https://www.youtube.com/watch?v=BgBhZVIypEs

Click here to Follow our YouTube Channel

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities

Copyright © 2021 Panorama.