Kuva ku 17 Nyakanga 2021 Umujyi wa Kigali n’utundi turere 8 byashyizwe muri gahunda ya Guma mu rugo. Umujyi wa Kigali wahise ufata ingamba zo gufata ibipimo by’ingenzi mu bawutuye.
Ku wa 17-18 Nyakanga 2021, Umujyi wa Kigali ku bufatanye na Minisiteri y’ubuzima bafashe gahunda yo gupima abatuye Umujyi bunyuze mu masibo, aho muri buri kagari hashyizwe site yo gufatiraho ibipimo.
Iyi gahunda yatumye hafatwa ingo 7 muri buri sibo. Iyi gahunda yatumye mu Mujyi wa Kigali ku wa hafatwa ibipimo …. Byabonetsemo abanduye COVID-19 bagera ku 1,391.
Muri rusange ku wa 17 Nyakanga 2021 hafashwe ibipimo 50,880 byabonetsemo abanduye COVID-19 bagera ku 1,997. Iyo igereranyije abanduye bangana na 4%, ni ukuvuga ko ahantu hahuriye abantu 100 usangamo nibura 4 banduye COVID-19.
Imibare itangwa na Minisiteri y’ubuzima igaragaza ko kuva COVID-19 yagera mu Rwanda muri Werurwe 2020 kugeza ku wa 17 Nyakanga 2021, abamaze kwandura iki cyorezo bagera ku 54,549 na ho abamaze guhitanwa na cyo bagera kuri 638; mu gihe inkingo zimaze guhabwa abantu 406,004.
Rwanyange Rene Anthere
