Ni urugendo rwa Kilometero icumi (10Km) uvuye ku gasoko k’imineke ko kwa Karangara (Kugasi) ku muhanda Kigali-Rwamagana, ugafata umuhanda w’igitaka ukoze neza ugana ku kigo nderabizuma cya Ruhunda n’ahahinze indabo; ukagera ku nkumbe z’ikiyaga cya Muhazi. Niba udakunda inzira z’amazi cyangwa uturutse mu Burasirazuba bw’amajyaruguru wanyura i Kiramuruzi, ni urugendo rwa Kilometero zigera kuri indwi (7Km).
Iyo unyuze i Ruhunda, ukigera ku ndabo, urakirwa n’imboneko nziza y’ikiyaga cya Muhazi n’ubusitani bwiza ubona hakurya mu karere ka Gatsibo, Umurenge wa Kiramuruzi, Akagari ka Nyabisindu, i Ntete. Ukigera ku nkombe z’ikiyaga, urakirwa n’ubwato bukwambutsa.
Urambukira mu mucanga mwiza haruguru yahoo hari ubusitani bugari burimo ibibuga by’imikino, aho ushobora gutwarira igare, aho wakorera imyitozo ngororamubiri n’ibindi.
Aho nta handi ni muri Muhazi Flowers Beach. Kuharuhukira cyangwa kuhakorera ibirori ntibigira uko bisa wumva amahumbezi y’akayaga gaturuka mu kiyaga cya Muhazi. Umugoroba waho n’urumuri rw’amatara rugaragara muri Muhazi, bituma wahozamo ijisho.
Ubwabo bwa moteri ndetse n’ubusanzwe bitewe n’uko ubishatse nibyo bigutembereza mu kiyaga cya Muhazi, ugashira amatsiko y’ibice bituriye icyo kiyaga.
Serivisi wahasanga zirimo: Sports Hub, Bar and Restaurant, Camping, Boat ride, wedding, …
Fata umwanya uhamagara kuri 0785537028 cyangwa 0788300310 cg ukandika ukoresheje muhaziflowersbeach@gmail.com
Ariane Irakoze
April 4, 2021 at 19:23
Can you please send to me about the price of everything there and thank you while I am waiting for your reply
Aimé
December 21, 2023 at 04:12
Kabisa burya tuba mu byiza tutabizi! Reka nzanyarukireyo ndebe