Ikipe ya APR FC iheruka gusezererwa mu marushanwa ya CAF Champions League, yatomboye ikipe ya RS Berkane yo muri Maroc, ikipe itozwa n’umutoza Florent Ibenge.
Iyi kipe ya RS Berkane yatombowe na APR FC, umunsi nk’uyu mu mwaka ushize wa 2020, yegukanye ku nshuro yayo ya mbere iki gikombe cya CAF Confederation Cup, aho yari itsinze Pyrmaids yo muri Egypt igitego 1-0.
Iyi kipe ya Renaissance Sportive de Berkane yageze muri iki cyiciro isezereye ikipe ya US Ben Guerdane yo muri Tunisia, aho yayinyagiye ibitego 5-0 mu mikino ibiri bahuye (1-0) mu mukino ubanza na 4-0 mu mukino wo kwishyura.
Umukino ubanza uzahuza aya makipe uzaba tariki ya 28/11/2021 mu Rwanda, mu gihe uwo kwishyura uteganyijwe tariki ya 05/12/2021 muri Maroc, mu gihe umukino APR Fc izabanza kwakira hataramenyekana aho uzabera kubera guhagarikwa kwa Stade ya Kigali i Nyamirambo.
Nkubiri B. Robert
