Banki ya Kigali ishami rya Kiziguro mu karere ka Gatsibo, abakozi bayo basangiye umutsima n’abakiliya b’iyo banki, ibirori byayobowe n’umuyobozi w’iryo shami Bwana Nkubiri.
Igitondo cyo ku wa mbere tariki ya 23 Mutarama 2017, cyaranzwe n’akanyamuneza k’abakozi ba Banki ya Kigali (BK) mu gihugu hose bizihizaga Yubile y’imyaka 50 iyi Banki imaze ishinzwe.
Mu kwizihiza Yubile y’Imyaka 50, BK yagize ubufatanye mu gushyigikira poritiki y’igihugu yo kurengera ibidukikije, aho yatanze miliyoni 25 z’amafaranga y’u Rwanda, ibinyujije mu mushinga wo kurengera ibidukikije mu karere ka Nyagatare mu ntara y’Iburasirazuba.
Ubufatanye n’umushinga CAE (Compagnie Agricole et environnement) bwashyizweho umukono muri Kamena 2016, BK ikaba yaratanze inkunga yo gutera ibiti 150.000 mu karere ka Nyagatare, aka karere kakaba gakunze kwibasirwa n’amapfa.
BK yahawe uruhushya rwo gukorera mu Rwanda ku itariki ya 22 ukuboza 1966, ikaba ari Banki iza ku isonga mu kugira isoko rinini mu Rwanda kuko ifite 34%. Ni yo yabaye iya kabiri mu gufungura imiryango mu Rwanda kuko Banki y’ubucuruzi (BCR), isigaye yitwa I&M Bank yatangiye mu mwaka wa 1963.
Ndejeje Jean Damascene
Abakiliya bahabwa serivisi mbere yo gusangira. (Photo/Ndejeje JD)
Umutsima abakozi ba BK, ishami rya Kiziguro basangiye n’abakiliya (Photo/Ndejeje JD)
