Abadepite bo muri Repubulika ya Demokarasi ya Congo (RDC) batereye icyizere Minisitiri w’intebe Sylvestre Ilunga Ilunkamba, bamusaba kwegura we na Guverinoma ayoboye bitarenze amasaha 24. Ibi biraha Perezida Félix Tshisekedi ububasha bwo kwishyiriraho guverinoma kuko iyariho ubu ari iyashyizweho na Joseph Kabira.
Inteko ishinga amategeko ya Repubulika ya Demokarasi ya Kongo, ku wa 27 Mutarama 2021, yatoye umwanzuro wo kweguza Minisitiri w’Intebe, Sylvestre Ilunga Ilunkamba, bivuye ku busabe bwa bamwe mu badepite bwo ku wa 22 Mutarama 2021.
Nk’uko tubikesha ikinyamakuru lepoint.fr, abadepite 367 batoye umwanzuro ukuraho icyizere Minisitiri w’intebe Sylvestre Ilunga Ilunkamba, na ho 7 ntibawemeza. Hakurikijwe Itegeko nshinga rya RDC, Minisitiri w’intebe asabwa gushyikiriza ubwegure bwe Perezida wa Repubulika bitarenze amasaha 24.
Sylvestre Ilunga Ilunkamba, yari Minisitiri w’intebe kuva muri Gicurasi 2019, bikavugwa ko yaba yarabangamiye ibyemezo bya Perezida Félix Tshisekedi, bigatuma guverinoma idakora nez ainshingano zayo.
Panorama
Prosper MUSEMAKWELI
January 28, 2021 at 19:11
Mujye mubadutangariza kuko burya muratuburira, muturinda ababi muri ubutegetsi bwa 4 mujye mubikora kinyamyuga ntawe mutinya. Amakabyankuru no kwizera ibyo tutazi tukemera ibyo tubwirwa byose nicyo mubereyeho, mujye mubitubwiza ukuri.